उदयनराजे आणि शिवेंद्रराजे मुंबईत दाखल, उमेदवारीचा पवार घेणार FINAL निर्णय

सातारा मतदारसंघातून पुन्हा एकदा उदयनराजे यांच्या उमेदवारीवरून राष्ट्रवादीत कलह आहे. हा वाद निवडणुकीत पक्षासाठी डोकेदुखी ठरण्याची शक्यता आहे.

News18 Lokmat | Updated On: Mar 9, 2019 10:55 AM IST

उदयनराजे आणि शिवेंद्रराजे मुंबईत दाखल, उमेदवारीचा पवार घेणार FINAL निर्णय

सातारा, 9 मार्च : राष्ट्रवादी काँग्रेसचे अध्यक्ष शरद पवार यांनी सातारा लोकसभा मतदार संघातील पदाधिकाऱ्यांची बैठक बोलवली आहे. या बैठकीसाठी खासदार उदयनराजे भोसले आणि राष्ट्रवादीचे आमदार शिवेंद्रराजे हे मुंबईत दाखल झाले आहेत.

सातारा मतदारसंघातून पुन्हा एकदा उदयनराजे यांच्या उमेदवारीवरून राष्ट्रवादीत कलह आहे. हा वाद निवडणुकीत पक्षासाठी डोकेदुखी ठरण्याची शक्यता आहे. तंच माढा लोकसभा मतदारसंघामध्येही सातारा जिल्ह्यातील तीन विधानसभा येतात. या सर्व परिस्थितीचा आढावा घेण्यासाठी ही बैठक बोलवण्यात आली असल्याची माहिती आहे.

उदयनराजेंची उमेदवारी आणि वाद

राष्ट्रवादीचे अध्यक्ष शरद पवार यांनी साताऱ्यातील या दोन राजेंमध्ये काही दिवसांपूर्वी मनोमिलन घडवून आणण्याचा प्रयत्न केला होता. पण त्यानंतर आमच्यात मनोमिलन होण्याचा प्रश्नच नाही, असं म्हणत शिवेंद्रराजेंनी आपण अजूनही उदयनराजेंवर नाराज असल्याचं स्पष्ट केलं होतं. या पार्श्वभूमीवर शिवेंद्रराजे आणि नरेंद्र पाटील यांच्यातील भेटीने उदयनराजेंच्या अडचणी वाढतात का, हे पाहावं लागेल.

दरम्यान, युतीच्या घोषणेनंतर आता सातारा लोकसभा मतदारसंघावर भाजप दावा करणार असल्याची माहिती आहे. भाजपकडून माथाडी कामगार नेते आणि माजी आमदार नरेंद्र पाटील यांना उमेदवारी मिळण्याची शक्यता आहे.

Loading...

या मतदारसंघातून राष्ट्रवादीकडून विद्यमान खासदार उदयनराजे भोसले यांनाच तिकीट मिळण्याची शक्यता आहे. त्यामुळे इथं उदयनराजे विरुद्ध नरेंद्र पाटील असा सामना रंगण्याची शक्यता आहे.

2014 ला सेनेकडून RPI आठवले गटाला सातारा लोकसभा मतदारसंघ सोडला होता. पण आता RPI भाजपच्या गोटात आहे. आणि भाजपने अद्यापपर्यंत आरपीआयला एकही जागा सोडलेली नाही. त्यामुळे या मतदारसंघावर आता भाजप स्वत:चाच उमेदवार देण्याची शक्यता आहे.

भाजपकडून या मतदारसंघासाठी चर्चेत असणारे नरेंद्र पाटील हे सध्या अण्णासाहेब पाटील आर्थिक मागास विकास महामंडळावर अध्यक्ष आहेत. ते जर उदयनराजेंविरोधात उभे राहिले तर या मतदारसंघात चांगली लढत होईल, असं राजकीय विश्लेषकांचं म्हणणं आहे.

सातारा आणि उदयनराजे

सातारा आणि कोल्हापूर लोकसभेसाठी राष्ट्रवादीचा उमेदवार कोण असावा, याबाबत निर्णय झाला आहे, अशी माहिती शरद पवारांनी दिली होती. पण नक्की कुणाच्या नावावर शिक्कामोर्तब करण्यात आलं आहे, हे मात्र पवारांनी सांगितलं नाही. असं असलं तरीही राष्ट्रवादीकडून आता उदयनराजेंचं नाव निश्चित मानलं जात आहे.


VIDEO : अजित पवार यांची पत्नी सुनेत्रा आणि सुप्रिया सुळे...कसं आहे नणंद-भावजयमधील बाँडिंग?

बातम्यांच्या अपडेटसाठी लाईक करा आमच्या फेसबुक पेजला आणि टि्वटरवर फाॅलो करा

Tags: udayanraje
First Published: Mar 9, 2019 10:51 AM IST
Loading...

ताज्या बातम्या

Loading...