S M L
Football World Cup 2018

हवामान खात्याचा अंदाज खरा ठरला तर त्यांच्या तोंडात बारामतीची साखर घालीन- शरद पवार

हवामान खात्याचा अंदाज खरा ठरला तर मी त्यांच्या तोंडात बारामतीची साखर घालीन, असं मजेशीर विधान माजी केंद्रीय कृषीमंत्री शरद पवार यांनी काल बारामतीत केलंय.

Chandrakant Funde | Updated On: Aug 19, 2017 05:50 PM IST

हवामान खात्याचा अंदाज खरा ठरला तर त्यांच्या तोंडात बारामतीची साखर घालीन- शरद पवार

बारामती, 19 ऑगस्ट : हवामान खात्याचा अंदाज खरा ठरला तर मी त्यांच्या तोंडात बारामतीची साखर घालीन, असं मजेशीर विधान माजी केंद्रीय कृषीमंत्री शरद पवार यांनी काल बारामतीत केलंय. राज्यात पावसाने दडी मारल्याने शेतकऱ्यांवर दुबार पेरणीचे संकट आलंय. दुबार पेरणी म्हणजे एक प्रकारचे आर्थिक संकटच आहे. पण हवामान खात्यातील काही तज्ज्ञ लोकांनी काल मला सांगितले की, राज्यात लवकरच चांगला पाऊस पडेल, त्यांचा हा हवामान अंदाज खरा ठरला तर मी त्यांच्या तोंडात बारामतीची साखर घालीन, त्यांचे म्हणणं खरं ठरावे एवढीच माझी अपेक्षा आहे, असं वक्तव्य माजी केंद्रीय कृषीमंत्री शरद पवार यांनी बारामतीत व्यक्त केलंय.

शेतकऱ्यांच्या कर्जमाफीवर आपण असमाधानी असल्याचंही शरद पवारांनी म्हटलंय. मला, शेतकरी माझं कर्ज माफ झाले असे पत्र बॅंकेत दिलंय, असे मला कुठे दाखवत नाही, असे म्हणत त्यांनी कर्जमाफीच्या घोषणेबाबतही नाराजी व्यक्त केली. जागतिक मधमाशी दिवस व कृषी विज्ञान केंद्राच्या रौप्य वर्षानिमित्त आयोजित कार्यक्रमासाठी पवार आले होते. यावेळी मधूसंदेश प्रकल्पाअंतर्गत उत्कृष्ट शेतकऱ्यांना पवारांच्याहस्ते पुरस्कार प्रदान करण्यात आले.

बातम्यांच्या अपडेटसाठी लाईक करा आमच्या फेसबुक पेजला , टि्वटरवर आणि जी प्लस फाॅलो करा

First Published: Aug 19, 2017 05:50 PM IST

लोकप्रिय बातम्या

Live TV

News18 Lokmat
close