सांगली लोकसभा निवडणूक : संजयकाका पाटील VS विशाल पाटील, भाजपला यश मिळणार का?

सांगलीमध्ये भाजपने विद्यमान खासदार संजयकाका पाटील यांना पुन्हा एकदा रिंगणात उतरवलं आहे. काँग्रेसने स्वत:चा उमेदवार देण्यापेक्षा ही जागा मित्रपक्ष असलेल्या स्वाभिमानी शेतकरी संघटनेला दिली. स्वाभिमानी शेतकरी संघटनेतर्फे विशाल पाटील हे संजय पाटील यांच्याविरुद्ध लढले.

News18 Lokmat | Updated On: May 22, 2019 02:02 PM IST

सांगली लोकसभा निवडणूक : संजयकाका पाटील VS विशाल पाटील, भाजपला यश मिळणार का?

सांगली, 13 मे : सांगलीच्या लोकसभा मतदारसंघावर अनेक वर्षं काँग्रेसची मक्तेदारी होती पण 2014 च्या मोदी लाटेत भाजपने ही जागा काँग्रेसकडून खेचून आणली आणि पहिल्यांदा इथे विजय मिळवला.

सांगलीमधून काँग्रेसचे अनेक खासदार एकापेक्षा अधिक वेळा इथून निवडून संसदेत गेले. आता या निवडणुकीत पुन्हा एकदा या मतदारसंघावर ताबा मिळवण्याचा काँग्रेसचा प्रयत्न आहे आणि त्यासाठी त्यांनी स्वाभिमानी शेतकरी संघटनेची मदत घेतली आहे.

वंचित बहुजन आघाडीची मतं निर्णायक

भाजपने या निवडणुकीत विद्यमान खासदार संजयकाका पाटील यांनाच पुन्हा एकदा रिंगणात उतरवलं आहे. काँग्रेसने स्वत:चा उमेदवार देण्यापेक्षा ही जागा मित्रपक्ष असलेल्या स्वाभिमानी शेतकरी संघटनेला दिली. स्वाभिमानी शेतकरी संघटनेतर्फे विशाल पाटील हे संजय पाटील यांच्याविरुद्ध लढले.

सांगलीमध्ये बसपा आणि वंचित बहुजन आघाडीचेही उमेदवार आहेत. वंचित बहुजन आघाडीतर्फे गोपीचंद पडळकर रिंगणात होते. सांगलीच्या या निवडणुकीत वंचित बहुजन आघाडीची मतं निर्णायक ठरणार आहेत,असं बोललं जातं.

Loading...

प्रतीक पाटील यांनी सोडली काँग्रेसची साथ

माजी मुख्यमंत्री वसंतदादा पाटील यांचे नातू प्रतीक पाटील हे 2009 मध्ये काँग्रेसकडून निवडून आले आणि केंद्रीय कोळसा राज्यमंत्री झाले. पण 2014 साली नरेंद्र मोदींनी इथे सभा घेतली, भाजपला चांगला विजय मिळाला आणि संजयकाका पाटील तिथून निवडून आले. प्रतीक पाटील यांचा पराभव झाला आणि सांगलीमधली काँग्रेसची सद्दी संपली.

या निवडणुकीत प्रतीक पाटील यांचे भाऊ विशाल पाटील हे रिंगणात आहेत. प्रतीक पाटील यांनी काँग्रेसशी नाळ तोडली असली तरी त्यांनी अजून पक्षाचा राजीनामा दिलेला नाही. ते काँग्रेससोबत नसले तरी भावाच्या पाठिशी मात्र खंबीरपणे उभे होते.

मागच्या निवडणुकीत भाजपचा विजय

सांगलीमधला मुकाबला काँग्रेस आणि भाजपमध्येच आहे. तरीही वंचित आघाडीची निर्णायक मतं कुणाला फायदा करून देतात यावरच भाजप आणि काँग्रेसचं इथलं यश अवलंबून आहे. मागच्या निवडणुकीत भाजपचे संजयकाका पाटील यांना 6 लाख 11 हजार 563 मतं मिळाली तर काँग्रेसचे प्रतीक पाटील यांना 3 लाख 72 हजार 271 मतं मिळाली. त्यामुळे संजयकाका पाटील यांचा दणदणीत विजय झाला.सांगली लोकसभा मतदारसंघात मिरज, सांगली, जत, खानापूर, पलूस कडेगाव, तासगाव कवठे महांकाळ या विधानसभा मतदारसंघ येतात.

===========================================================================

SPECIAL REPORT : शरद पवारांची दुष्काळवारी की विधानसभेची तयारी?

बातम्यांच्या अपडेटसाठी लाईक करा आमच्या फेसबुक पेजला आणि टि्वटरवर फाॅलो करा

First Published: May 13, 2019 08:52 PM IST
Loading...

ताज्या बातम्या

Loading...