पुणे-इंदूर एक्स्प्रेसने मळवली रेल्वेस्थानकावर दोघांना चिरडले

पुणे-इंदूर एक्स्प्रेसने मळवली रेल्वेस्थानकावर दोघांना चिरडले

पुण्याहून मुंबईकडे जाणाऱ्या इंदूर एक्स्प्रेसने दोघांना चिरडल्याची घटना मळवली रेल्वेस्थानकावर घडली. मृतांमध्ये 13 वर्षाच्या शाळकरी मुलाचा समावेश आहे.

  • Share this:

अनिस शेख, (प्रतिनिधी)

देहु, 6 जुलै- पुण्याहून मुंबईकडे जाणाऱ्या इंदूर एक्स्प्रेसने दोघांना चिरडल्याची घटना मळवली रेल्वेस्थानकावर शुक्रवारी सायंकाळी 5 वाजता घडली. मृतांमध्ये 13 वर्षाच्या शाळकरी मुलाचा समावेश आहे. महेंद्र चौधरी आणि सतीश हुलावळे (32) अशी या मृतांची नावे आहेत.

मिळालेली माहिती अशी की, काल सायंकाळी मोठ्या प्रमाणात पाऊस होता. पावसादरम्यान रेल्वे रूळ ओलांडताना त्यांच्याकडे असलेल्या छत्रीमुळे या दोघांना इंदूर एक्स्प्रेस दिसली नाही. भरधाव एक्सप्रेसने दोघांनाही चिरडले. अपघातात दोघांचाही जागेवरच मृत्यू झाला. लोणावळा पोलिसांनी या संदर्भात गुन्हा दाखल केला आहे.

डॉ. नरेंद्र दाभोलकर खून प्रकरणी संजीव पुनाळेकरांना सशर्त जामीन

अंनिसचे प्रमुख डॉ.नरेंद्र दाभोळकर हत्या प्रकरणात अ‍ॅड. संजीव पुनाळेकर यांना सशर्त जामीन मंजूर करण्यात आला आहे. पुणे सत्र न्यायालयाचे विशेष न्यायधीश आर. एम. पांडे यांनी काही अटींवर संजीव पुनाळेकर यांना हा जामीन मंजूर केला आहे. वकील संजीव पुनाळेकर हे सनातनचे वकील आहेत. डॉ. नरेंद्र दाभोळकर हत्या प्रकरणातील आरोपींना शस्त्र लपविण्याच्या सूचना पुनाळेकरांनी केल्याचा आरोप त्यांच्यावर ठेवण्यात आला. संजीव पुनाळेकर यांना अटक केल्यानंतर त्यांनी रवानगी पोलीस कोठडीत करण्यात आली होती. अंधश्रद्धा निर्मूलन समितीचे कार्याध्यक्ष डॉ. नरेंद्र दाभोलकर हत्यप्रकरणी सीबीआयने सनातन संस्थेचे वकील संजीव पुनाळेकर आणि त्यांचे सहायक विक्रम भावे या दोघांना 25 मे रोजी मुंबईतून अटक करण्यात आली होती. संजीव पुनाळेकर हे या हत्याकांडातील आरोपींचेही वकील आहेत.

संजीव पुनाळेकरांचा काय संबंध?

डॉ. दाभोळकर हत्याप्रकरणी ताब्यात घेतलेले सचीन अंदुरे आणि शरद कळसकर यांच्या चौकशीत पुनाळकर यांचे नाव पुढे आले. त्यानंतर त्यांना अटक करण्यात आली. पुनाळेकरांनी गौरी लंकेश हत्या प्रकरणात आरोपींना मदत केल्याची आरोपींनी कबूली दिली होती. डॉ. दाभोळकर हत्याप्रकरणी पुरावे नष्ट करणे, आरोपींना मार्गदर्शन करणे, हत्येच्या कटात सहभागी होणे असे आरोप संजीव पुनाळेकरांवर तर आरोपींना प्रत्यक्ष घटनास्थळ रेकी, दाभोळकरांची ओळख करुन देणे, हत्येच्या कटात सहभागी होणे या आरोपाखाली विक्रम भावे याला अटक करण्यात आली होती. पत्रकार आणि सामाजिक कार्यकर्त्या गौरी लंकेश प्रकरणात आरोपींनी दिलेल्या कबुली जबाबात ही संजीव पुनाळेकरचे नाव समोर आले होते. तर विक्रम भावे गडकरी रंगायतन स्फोटातील आरोपी तसेच त्याचे मालेगाव ब्लास्ट कनेक्शन असल्याची माहिती मिळाली होती. पुण्यात 20 ऑगस्ट 2013 रोजी मॉर्निंग वॉकला निघालेल्या डॉ. नरेंद्र दाभोलकर यांची गोळ्या झाडून निर्घृण हत्या करण्यात आली होती.

VIDEO: तिवरे धरण दुर्घटनेतील सध्याची स्थिती; पाहा ग्राऊंड रिपोर्ट

बातम्यांच्या अपडेटसाठी लाईक करा आमच्या फेसबुक पेजला आणि टि्वटरवर फाॅलो करा

Tags:
First Published: Jul 6, 2019 03:40 PM IST

ताज्या बातम्या