S M L

नारायण राणेंची अखेर काँग्रेसला सोडचिठ्ठी, आमदारकीचाही राजीनामा

माजी मुख्यमंत्री नारायण राणेंनी अखेर काँग्रेसला सोडचिठ्ठी दिलीय. विधान परिषद आमदारकीचाही त्यांनी राजीनामा दिलाय. काँग्रेस सदस्यत्वाचा राजीनामा सोनिया गांधीकडे तर आमदारकीचा सभापतींकडे पाठवल्याचं नारायण राणेंनी यावेळी सांगितलं. काँग्रेस गेली 12 वर्षे काँग्रेसमध्ये होते.

Chandrakant Funde | Updated On: Sep 21, 2017 04:15 PM IST

नारायण राणेंची अखेर काँग्रेसला सोडचिठ्ठी, आमदारकीचाही राजीनामा

कणकवली, 21 सप्टेंबर : माजी मुख्यमंत्री नारायण राणेंनी अखेर काँग्रेसला सोडचिठ्ठी दिलीय. विधान परिषद आमदारकीचाही त्यांनी राजीनामा दिलाय. काँग्रेस सदस्यत्वाचा राजीनामा सोनिया गांधीकडे तर आमदारकीचा सभापतींकडे पाठवल्याचं नारायण राणेंनी यावेळी सांगितलं. काँग्रेस गेली 12 वर्षे काँग्रेसमध्ये होते. पण ते कधीच काँग्रेस संस्कृती न रमल्याने त्यांच्यावर अखेर काँग्रेस सोडण्याचीही वेळ आलीय. पक्ष सोडताना त्यानी अपेक्षेप्रमाणेच अशोक चव्हाणांना लक्ष केलं. मला अनेक पक्षांच्या ऑफर असून योग्यवेळी निर्णय घेऊ, असंही राणेंनी यावेळी स्पष्ट केलं. या पुढच्या राजकीय वाटचालीचा निर्णय नवरात्रोत्सानंतरच घेऊ असंही राणेंनी यावेळी स्पष्ट केलंय.

काँग्रेस सोडल्यानंतर आपण उद्यापासून महाराष्ट्राच्या दौऱ्यावर जात असून आपल्यासोबत आजही अनेक कार्यकर्ते यायला तयार असल्याचं राणेंनी यावेळी स्पष्ट केलंय. आमदार नितेश राणेही यावेळी त्यांच्यासोबत उपस्थित होते. सिंधुदुर्ग काँग्रेसची बरखास्त कार्यकारिणीही राणेंसोबत उपस्थित होती. अशोक चव्हाणच राज्यातली काँग्रेस बुडवायला निघाल्याचं राणे यावेळी म्हणाले. माजी खासदार निलेश राणेंनीही काँग्रेसचा राजीनामा दिल्याचं राणेंनी यावेळी स्पष्ट केलंय. मला प्रत्येकवेळी डावललं गेल्यानेच मी काँग्रेस पक्ष सोडत असल्याचं राणेंनी यावेळी सांगितलं

बातम्यांच्या अपडेटसाठी लाईक करा आमच्या फेसबुक पेजला , टि्वटरवर आणि जी प्लस फाॅलो करा

First Published: Sep 21, 2017 04:15 PM IST

लोकप्रिय बातम्या

Live TV

News18 Lokmat
close