लोकसभा निवडणूक : पार्थ पवार VS श्रीरंग बारणे, मावळची लढत कोण जिंकणार?

लोकसभा निवडणूक : पार्थ पवार VS श्रीरंग बारणे, मावळची लढत कोण जिंकणार?

राष्ट्रवादी काँग्रेसचे अध्यक्ष शरद पवार यांचा नातू पार्थ पवारच्या उमेदवारीमुळे मावळ लोकसभेची लढत यावेळी खूपच गाजली. इथे पार्थ पवार यांची लढत शिवसेनेचे श्रीरंग बारणे यांच्याशी होती.

  • Share this:

मावळ,9 मे : राष्ट्रवादी काँग्रेसचे अध्यक्ष शरद पवार यांचा नातू पार्थ पवारच्या उमेदवारीमुळे मावळ लोकसभेची लढत यावेळी खूपच गाजली. इथे पार्थ पवार यांची लढत शिवसेनेचे श्रीरंग बारणे यांच्याशी होती.

शरद पवारांची माघार

पार्थच्या उमेदवारीसाठी शरद पवार यांनी माढा मतदारसंघातून माघार घेतली. एकाच कुटुंबातले एवढे उमेदवार लोकसभा निवडणुकीच्या रिंगणात नको, अशी शरद पवारांची भूमिका होती.

मावळ मतदारसंघ 2008 मध्ये अस्तित्वात आला. यानंतर लगेचच 2009 मध्ये इथे निवडणूक झाली. त्यावेळी शिवेसेनेचे गजानन बाबर तिथून जिंकून आले. त्यानंतर 2014 मध्ये शिवसेनेच्याच श्रीरंग बारणे यांनी इथून निवडणूक जिंकली.

शेकापचा आघाडीला पाठिंबा

यावेळच्या निवडणुकीत पुन्हा एकदा शिवसेनेने श्रीरंग बारणे यांनी उमेदवारी दिली. इथे वंचित बहुजन आघाडीच्या राजाराम पाटील यांनाही तिकीट देण्यात आलं. त्याचबरोबर इथल्या निवडणुकीत शेतकरी कामगार पक्षाचीही भूमिका महत्त्वाची होती. शेकापने यावेळी राष्ट्रवादी काँग्रेस आणि काँग्रेस यांच्या आघाडीला पाठिंबा दिला होता.

मावळ लोकसभा मतदारसंघात 6 विधानसभा मतदारसंघ येतात. यात पनवेल, मावळ, चिंचवड, उरण, पिंपरी आणि कर्जत मतदारसंघाचा समावेश आहे.

मागच्या निवडणुकीत सेनेला यश

2014 च्या निवडणुकीत शिवसेनेचे श्रीरंग बारणे यांना घवघवीत यश मिळालं होतं. त्यांनी शेतकरी कामगार पक्षाच्या लक्ष्मण जगताप यांचा पराभव केला होता. या मतदारसंघात राष्ट्रवादी काँग्रेस तिसऱ्या स्थानावर होता. राष्ट्रवादीकडून तेव्हा राहुल नार्वेकर यांनी निवडणूक लढवली होती. इथे आम आदमी पार्टी चौथ्या क्रमांकावर होती.

29 एप्रिलला झालं मतदान

मावळमध्ये यावेळी चौथ्या टप्प्यात 29 एप्रिलला मतदान झालं. यावेळी इथे सुमारे 60 टक्के मतदानाची नोंद झाली.

======================================================================================================

बातम्यांच्या अपडेटसाठी लाईक करा आमच्या फेसबुक पेजला आणि टि्वटरवर फाॅलो करा

First Published: May 9, 2019 03:50 PM IST

ताज्या बातम्या