मुलगी हवी म्हणून नांदेडात महिलेनं बाळ चोरलं !

मुलाच्या हव्यासापायी मुलींचे जीव घेतले जाणं आपल्यासाठी नवं नाहीय. पण मुलगी हवी म्हणून दोन मुलांच्या आईनं चक्क एका 1 दिवसाच्या चिमुकल्या मुलीला पळवलं. नांदेड शहरातल्या वाडेकर रुग्णालयात हा प्रकार घडलाय.

Chandrakant Funde | News18 Lokmat | Updated On: Oct 14, 2017 07:19 PM IST

मुलगी हवी म्हणून नांदेडात महिलेनं बाळ चोरलं !

नांदेड, 14 ऑक्टोबर : मुलाच्या हव्यासापायी मुलींचे जीव घेतले जाणं आपल्यासाठी नवं नाहीय. पण मुलगी हवी म्हणून दोन मुलांच्या आईनं चक्क एका 1 दिवसाच्या चिमुकल्या मुलीला पळवलं. नांदेड शहरातल्या वाडेकर रुग्णालयात हा प्रकार घडलाय. रुग्णालयातून बाळ चोरणाऱ्या या महिलेला पोलिसांनी बेड्या ठोकल्यात. शिल्पा भंडारे या महिलेची सरकारी रुग्णालयात प्रसुती झाली. मुलीला लस द्यायचा बहाणा करुन सीमा पंडीत महिलेनं बाळ घेऊन पळ काढला. पण बाळ चोरणारी सिमा सीसीटीव्ही फुटेजमध्ये कैद झाली.

सिडको भागात राहणा-या सिमा पंडीत नावाच्या महिलेकडे 2-3 दिवसांचे बाळ असल्याची माहिती ग्रामीण पोलीसांना मिळाली. त्यानंतर तिचं बिंग फुटलं. बाळ चोरणारी सिमा पंडीत ही महिला घटस्फोटीत असून तिला 2 मुलं आहेत. मुलीच्या हव्यासापोटी तिनं हे कृत्यं केल्याचं पोलीस उपनिरीक्षक किरण पाठोडे यांनी सांगितलं.

बातम्यांच्या अपडेटसाठी लाईक करा आमच्या फेसबुक पेजला आणि टि्वटरवर फाॅलो करा

First Published: Oct 14, 2017 07:11 PM IST
Loading...

ताज्या बातम्या

Loading...