दहावीत 94 टक्के गुण असूनही अॅडमिशन मिळेना, मराठा विद्यार्थ्याची आत्महत्या

दहावीत 94 टक्के गुण असूनही चांगल्या कॉलेजमध्ये प्रवेश मिळत नसल्याने मराठा समाजातील एका विद्यार्थ्याने आत्महत्या केल्याची घटना समोर आली आहे.

News18 Lokmat | Updated On: Jun 21, 2019 03:32 PM IST

दहावीत 94 टक्के गुण असूनही अॅडमिशन मिळेना, मराठा विद्यार्थ्याची आत्महत्या

उस्मानाबाद, 21 जून- दहावीत 94 टक्के गुण असूनही चांगल्या कॉलेजमध्ये प्रवेश मिळत नसल्याने मराठा समाजातील एका विद्यार्थ्याने आत्महत्या केल्याची घटना समोर आली आहे. कळंब तालुक्यातील देवळाली या गावात ही धक्कादायक घटना घडली आहे.अक्षय शहाजी देवकर असे विद्यार्थ्याचे नाव आहे.

अक्षयला डॉक्टर व्हायचे होते. त्या दिशेने त्याची तयारी देखील सुरु केली होती. त्याने दहावीच्या परीक्षेत 94 टक्के गुण मिळवले होते. तरी देखील त्याला चांगल्या कॉलेजमध्ये अॅडमिशन मिळत नाही, म्हणून अक्षय तणावात होता. शैक्षणिक काळजीमुळेच अक्षयने आत्महत्या केल्याचा आरोप नातेवाईकांनी केली आहे. या प्रकरणी पोलिसांत अकस्मात मृत्यूची नोंद केली आहे.

'आरक्षण गेलं खड्डयात', विद्यार्थ्याच्या आत्महत्येनंतर संभाजीराजे संतापले

'आरक्षण गेलं खड्ड्यात! पदवीपर्यंत सर्वच जातीच्या विद्यार्थ्यांना शिक्षण मोफत करा,' असे म्हणत खासदार संभाजीराजे छत्रपती यांनी संताप व्यक्त केला आहे. उस्मानाबाद जिल्ह्यातील देवळाली गावातील मराठा समाजातील विद्यार्थी अक्षय शहाजी देवकर याने आपले आयुष्य संपवले आहे. नुकत्याच झालेल्या दहावीच्या परीक्षेत त्याला 94% गुण मिळून सुद्धा चांगल्या महाविद्यालयात प्रवेश मिळाला नाही. या घटनेची माहिती ट्विटरवर देत संभाजीराजे यांनी आक्रमक भूमिका घेतली आहे.

'मला वाटतंय की आपल्या 'व्यवस्थेतच' मोठा दोष आहे. मराठा, धनगर व मुस्लिम आरक्षणाचे प्रश्न मार्गी का लागत नाहीत? शेतकऱ्याच्या बांधावर स्वातंत्र्यानंतरही इतकी वर्षे पाणी का गेलं नाही? मालाला योग्य बाजारभाव का मिळत नाही?' असे सवाल करत संभाजीराजे यांनी आरक्षणाच्या आणि इतर प्रश्नांवर भाष्य केलं आहे.

Loading...

संभाजीराजेंचा संताप, मराठा विद्यार्थ्याच्या आत्महत्येनंतर नक्की काय म्हणाले?

"गेल्या अनेक वर्षांपासून हजारो शेतकरी आत्महत्या करत आहेत. ज्यांच्यामुळे या राष्ट्राचे भविष्य सुरक्षित राहिल ते युवक आणि ज्यांच्यामुळे आज आपलं जीवंत असणं सुरक्षित आहे ते शेतकरी, या सर्वांना असुरक्षित का वाटतंय ? का म्हणून ते स्वतःला संपवत आहेत?

भाषणात बोलताना देशहित समाजहिताच्या गोष्टी आपण करत असतो. परंतु वास्तवात आपलं आचरण त्याप्रकारचं आहे कां? की उगाच मुह में राम, बगल में सूरी असा प्रकार चालू आहे? नाहीतरी आज एवढा हुशार बालक आत्महत्येला प्रवृत्त होतोच कसा? त्याच्या आयुष्याची तर खरी सुरुवात होती.

समाजाचे अग्रणी म्हणून आपण सर्वांनी आत्मपरीक्षण करण्याची गरज आहे. सरकार मधले नेते असोत किंवा विरोधी पक्षातले. 'योग' करत आपण दोन मिनिट शांत बसून विचार करू, की का म्हणून आपण राजकारणात आहोत?? आपल्याला नेमकं काय मिळवायचंय??

यामध्ये नेत्यांसोबत प्रशासनसुद्धा तेवढंच जबाबदार आहे.केवळ नेत्यांवर प्रत्येक गोष्ट शेकते म्हणून तुमच्यावर कुणाचं लक्षंच नाही असं समजू नका. 'शेतकऱ्याच्या देठालाही हात लावता कामा नये' असं शिवाजी महाराज अधिकाऱ्यांना उद्देशूनच म्हणाले होते, ते आजही तंतोतंत खरे आहे."

VIDEO: शिवसेना-काँग्रेस नगरसेवकांमध्ये तुफान राडा

बातम्यांच्या अपडेटसाठी लाईक करा आमच्या फेसबुक पेजला आणि टि्वटरवर फाॅलो करा

Tags:
First Published: Jun 21, 2019 03:23 PM IST
Loading...

ताज्या बातम्या

Loading...