सरकार जीवनगौरव पुरस्काराची रक्कमही पूर्ण देत नाही-मंगल बनसोडेंचा गंभीर आरोप

सरकार जीवनगौरव पुरस्काराची रक्कमही पूर्ण देत नाही-मंगल बनसोडेंचा गंभीर आरोप

आतापर्यंत विनोद तावडेंच्या सांस्कृतिक विभागावर करण्यात आलेल्या सर्वात गंभीर आरोपांपैकी हा एक आहे. राज्य शासनाकडून देण्यात येणाऱ्या जीवनगौरव पुरस्काराचे पाच लाख नव्हे तर फक्त चार लाखच मिळतात असा गंभीर आरोप तमाशा कलावंत मंगला बनसोडे यांनी केलाय

  • Share this:

07 एप्रिल: जीवनगौरव पुरस्कार सरकार देतं पण त्याची रक्कम मात्र पूर्ण देत नाही असा गंभीर आरोप ज्येष्ठ कलावंत मंगला बनसोडे यांनी केला आहे . मंगला बनसोडे या विठाबाई नारायणगावकर यांच्या कन्या आहेत .

आतापर्यंत विनोद तावडेंच्या सांस्कृतिक विभागावर करण्यात आलेल्या सर्वात गंभीर आरोपांपैकी हा एक आहे. राज्य शासनाकडून देण्यात येणाऱ्या जीवनगौरव पुरस्काराचे पाच लाख नव्हे तर फक्त चार लाखच मिळतात असा गंभीर आरोप तमाशा कलावंत मंगला बनसोडे यांनी केलाय. त्यांच्या आईच्या नावानेच हा पुरस्कार दिला जातो. कलावंताच्या कष्टाचे पैसे तरी खाऊ नका असं आवाहन बनसोडे यांनी केलंय.

राज्य सरकार खऱ्या तमाशा कलावंताची कदर करत नाही ,गेले आठ महिने झाले राज्य सरकार ने कलावंतांच मानधन दिलेलं नाही. मुद्दा तावडेंच्या कानावर घातला पण त्यांनी हूँ की चू केलं नाही असा गंभीर आरोप ज्येष्ठ तमाशा कलावंत मंगला बनसोडे यांनी केलाय.

बातम्यांच्या अपडेटसाठी लाईक करा आमच्या फेसबुक पेजला आणि टि्वटरवर फाॅलो करा

First Published: Apr 7, 2018 06:28 PM IST

ताज्या बातम्या