News18 Lokmat

कोल्हापूर : अंबाबाईच्या श्रीपूजकाला कपडे फाटेपर्यंत मारहाण

महसूल मंत्री चंद्रकांत पाटील यांच्यासमोरच श्रीपूजकाला कपडे फाटेपर्यंत मारहाण करण्यात आलीये.

Sachin Salve | News18 Lokmat | Updated On: Jun 22, 2017 06:27 PM IST

कोल्हापूर : अंबाबाईच्या श्रीपूजकाला कपडे फाटेपर्यंत मारहाण

22 जून : कोल्हापूरच्या अंबाबाई मंदिरातील श्रीपुजक हटाव आंदोलनाचा आता चांगलाच भडका उडालाय. महसूल मंत्री चंद्रकांत पाटील यांच्यासमोरच श्रीपूजकाला कपडे फाटेपर्यंत मारहाण करण्यात आलीये.

करवीरनिवासिनी अंबाबाईच्या मंदिरात श्रीपुजकांविरोधात सध्या आंदोलन सुरू आहे. कोल्हापूरकरांनी श्रीपूजकांविरोधात जनआंदोलन उभं केलं असून आज (गुरुवार) संध्याकाळी कोल्हापूरमध्ये पालकमंत्री चंद्रकांत पाटील यांच्या उपस्थितीत बैठक बोलावण्यात आली होती.

या बैठकीत आज तोडगा निघतो का याकडं संपूर्ण जिल्ह्याचं लक्ष लागलंय. पण या बैठकीत आंदोलकांचा भडका उडाला. घागरा चोळी नेसवणाऱ्या श्रीपूजकाला मंदिर बंदी करा अशा घोषणाबाजी करत आंदोलकांनी श्रीपूजक अजित ठाणेकरांना कपडे फाटेपर्यंत बेदम मारहाण केली. पोलिसांनी मध्यस्थी करून या श्रीपूजकाची सुटका केली. अजित ठाणेकर हे भाजपचे नगरसेवक आहे आणि श्रीपूजकही आहे.

दरम्यान, या बैठकीत आंदोलकांच्या मागणीवर अभ्यास करण्यासाठी समिती नेमण्याची घोषणा करण्यात आली. जिल्हाधिकारी अध्यक्षतेखाली ही समिती असणार आहे. पुढील तीन महिन्यात समितीचा अहवाल विधी न्याय विभागाला देण्याचे आदेश या समितीला देण्यात आला. या अहवालावर सरकार तातडीने निर्णय घेणार असल्याचं आश्वासन दिलंय.

बातम्यांच्या अपडेटसाठी लाईक करा आमच्या फेसबुक पेजला , टि्वटरवर आणि जी प्लस फाॅलो करा

First Published: Jun 22, 2017 06:27 PM IST
Loading...

ताज्या बातम्या

Loading...