S M L

अकोल्यात वारकऱ्यांच्या रिक्षाला ट्रकची धडक, 4 ठार

वाशिम जिल्ह्यातून शेगाव येथे जात असलेल्या भाविकांच्या वाहनास मागून येणाऱ्या भरधाव ट्रकने धडक दिली.

Sachin Salve | Updated On: Feb 5, 2018 11:45 PM IST

अकोल्यात वारकऱ्यांच्या रिक्षाला ट्रकची धडक, 4 ठार

05 फेब्रुवारी : अकोल्यातल्या श्री क्षेत्र शेगाव इथं गजानन महाराज यांच्या प्रकट दिन महोत्सवात सहभागी होण्यासाठी निघालेल्या भाविकांच्या वाहनाला अपघात झालाय.या अपघातात चार भाविक ठार, तर आणखी चार गंभीर जखमी झाले. जखमींना शासकीय रुग्णालयात दाखल करण्यात आलं.

वाशिम जिल्ह्यातून शेगाव येथे जात असलेल्या भाविकांच्या वाहनास मागून येणाऱ्या भरधाव ट्रकने धडक दिली. अकोला जिल्ह्यातील पातूर-बाळापूर मार्गावरील बाघ फाट्यानजीक सांयकाळी ४.१५ वाजता घडलेल्या या अपघातात चार भाविक ठार, तर आणखी चार गंभीर जखमी झाले.

संत गजानन महाराजांच्या दर्शनासाठी वाशिम जिल्ह्यातील उमरा कापसे या गावातील काही भाविक शेगाव येथे जाण्यासाठी १ फेब्रुवारी रोजी निघाले. वारीसोबत एक मालवाहू वाहनही होते. सोमवार, ५ फेब्रुवारी रोजी ही पायदळ वारी अकोला जिल्ह्यातील पातूर-बाळापूर मार्गावरील बाघ फाट्यावरून जात असताना मागून आलेल्या आर. जे. १३ जी. सी. ०७८२ क्रमांकाच्या ट्रकने पायदळ दिंडीसोबत असलेल्या एम. एच. ३७ बी. ३६८ क्रमांकाच्या तीन चाकी वाहनास धडक दिली. यावेळी या वाहनात ९ वारकरी बसलेले होते.



धडक दिल्यामुळे भाविकांचे वाहन रस्त्याच्या कडेला जाऊन उलटले; परंतु, वाहनातील भाविक रस्त्यावरच पडले. मागून आलेला ट्रक या भाविकांच्या अंगावर उलटला. ट्रकमधील सरकीच्या पोत्यांखाली दबल्याने चार भाविक जागीच ठार झाले, तर दोन भाविकांनी रुग्णालयात नेण्यात आले आहे. मृतकांमध्ये काशीनाथ चंद्रभान कापसे, रमेश धनाजी कापसे, लिला कापसे, काकडे ( सर्व रा. उमरा-कापसे ) यांचा समावेश आहे. जखमींमध्ये सरजूबाई कापसे, लोडबाई बळीराम कापसे यांचा समावेश आहे. जखमींना अकोला येथे हलविण्यात आले आहे. बाळापूर महामार्ग वाहतूक पोलीस आणि शहर पोलीस घटनास्थळी पोहचली.

बातम्यांच्या अपडेटसाठी लाईक करा आमच्या फेसबुक पेजला , टि्वटरवर आणि जी प्लस फाॅलो करा

First Published: Feb 5, 2018 11:45 PM IST
Loading...

लोकप्रिय बातम्या

ताज्या बातम्या

  • I agree to receive emails from NW18

  • I promise to vote in this year's elections no matter what the odds are.

    Please check above checkbox.

  • SUBMIT

Thank you for
taking the pledge

But the job is not done yet!
vote for the deserving condidate
this year

Click your email to know more

Disclaimer:

Issued in public interest by HDFC Life. HDFC Life Insurance Company Limited (Formerly HDFC Standard Life Insurance Company Limited) (“HDFC Life”). CIN: L65110MH2000PLC128245, IRDAI Reg. No. 101 . The name/letters "HDFC" in the name/logo of the company belongs to Housing Development Finance Corporation Limited ("HDFC Limited") and is used by HDFC Life under an agreement entered into with HDFC Limited. ARN EU/04/19/13618
T&C Apply. ARN EU/04/19/13626

Live TV

News18 Lokmat
close