News18 Lokmat

महाराष्ट्रातलं पहिलं मराठा जात प्रमाणपत्र प्रदान

जालना जिल्ह्यातील अंबडमध्ये वैभव ढेंबरे या विद्यार्थ्याला पहिलं मराठा कास्ट सर्टिफिकेट देण्यात आलं. अवघ्या एका तासात हे प्रमाणपत्र देण्यात आलं आहे.

News18 Lokmat | Updated On: Dec 12, 2018 01:51 PM IST

महाराष्ट्रातलं पहिलं मराठा जात प्रमाणपत्र प्रदान

रवी जैसवाल, प्रतिनिधी

जालना, 12 डिसेंबर : महाराष्ट्र सरकारनं मराठा समाजाला आरक्षण दिल्यानंतर महाराष्ट्रात पहिलं मराठा जात प्रमाणपत्र देण्यात आलं आहे. जालना जिल्ह्यातील अंबडमध्ये वैभव ढेंबरे या विद्यार्थ्याला पहिलं मराठा कास्ट सर्टिफिकेट देण्यात आलं. अवघ्या एका तासात हे प्रमाणपत्र देण्यात आलं आहे.

वैभव यानं अंबड तहसील कार्यालयापासून जवळच असलेल्या महा- ई-सेवा केंद्रात जात प्रमाणपत्रासाठी अर्ज दाखल केला होता. त्यानंतर कागदपत्रांची पडताळणी करून उपविभागीय अधिकाऱ्यांकडे ते पाठवण्यात आलं. अंबडचे उपविभागीय अधिकारी शशिकांत हादगल यांच्या हस्ते हे प्रमाणपत्र देण्यात आलं. वैभव ढेंबरे हा अंबड शहरातील मत्सोदरी महाविद्यालयात बीसीएच्या प्रथम वर्षात शिक्षण घेतो आहे.


या जात प्रमाणपत्राचा त्याला त्याच्या पुढील शिक्षणासाठी फायदा होणार आहे. हे प्रमाणपत्र मिळाल्यानंतर त्याने त्याचा आनंद व्यक्त केला. मराठा आरक्षण मिळावं यासाठी गेली अनेक वर्ष संघर्ष सुरू होता, तो या प्रमाणपत्रामुळे संपला असं म्हणायला हरकत नाही.

Loading...

मराठा समाजाला सामाजिक आणि शैक्षणिकदृष्ट्या १६ टक्के आरक्षण जाहीर झाल्यानंतर राज्य सरकारने आता मराठा समाजाला सामाजिक आणि शैक्षणिकदृष्ट्या मागासप्रवर्गासाठी आवश्यक असणारं जात प्रमाणपत्र आणि जात पडताळणी प्रमाणपत्र मिळण्याचा मार्ग मोकळा झाला होता. त्यासंदर्भात राज्य सरकारने शासन निर्णय जारी केला आणि त्याचबरोबर ही दोन्ही प्रमाणपत्र कशी असतील याचे नमुने प्रसिद्ध केले.

मराठा समाजासाठी राज्य सरकारने मागासवर्ग आयोगाला अहवाल सादर करण्याची सूचना केली होती. मागासवर्ग आयोगाचा अहवाल सादर झाल्यानंतर राज्य सरकारने एटीआर आणि विधेयक सादर करून मराठा आरक्षणाचा कायदा तयार केला. या विधेयकाला दोन्ही सभागृहात मंजुरी देण्यात आली.

राज्य सरकारने मराठा समाजाला 16 टक्के आरक्षण जाहीर केलं. त्यापाठोपाठ राज्यात 75 हजार जागांची मेगा भरती होणार आहे अशी घोषणा मुख्यमंत्र्यांनी केली. या मेगा भरतीत मराठा समाजाला या प्रवर्गाचे फायदे मिळावेत आणि आगामी मेगा भरतीत सोईचे व्हावे म्हणून मराठा समाजाला सामाजिक आणि शैक्षणिकदृष्ट्या प्रवर्गाचे जातीचे प्रमाणपत्र आणि जात पडताळणी प्रमाणपत्र देण्याचा निर्णय घेतला आहे.


VIRAL VIDEO: कुख्यात गुंडाचा बारबालांसोबत 'तमंचे पे डिस्को'


बातम्यांच्या अपडेटसाठी लाईक करा आमच्या फेसबुक पेजला , टि्वटरवर आणि जी प्लस फाॅलो करा

First Published: Dec 12, 2018 01:36 PM IST
Loading...

ताज्या बातम्या

Loading...