भांडण सोडवण्यासाठी गेलेल्या पोलिसावरच गोळीबार, PSI मोहिते गंभीर जखमी

डान्सबारमधील आरोपींनी पोलिसांवरच गोळीबार केला. यावेळी मोहिते यांच्या पायात गोळी लागून ते जखमी झाले.

News18 Lokmat | Updated On: Mar 9, 2019 08:43 AM IST

भांडण सोडवण्यासाठी गेलेल्या पोलिसावरच गोळीबार, PSI मोहिते गंभीर जखमी

पुणे, 9 मार्च : पुणे जिल्हातील मावळ इथं भांडण सोडवण्यासाठी गेलेल्या पोलीस अधिकाऱ्यावरच आरोपींकडून गोळीबार करण्यात आला आहे. यामध्ये पोलीस उपनिरीक्षक नितीन मोहिते हे गंभीर जखमी झाले आहेत.

मावळमधील एका डान्सबारमध्ये दोन गटात वाद झाला. याबाबत माहिती मिळताच पोलीस उपनिरीक्षक नितीन मोहिते आणि त्यांचे सहकारी घटनास्थळी दाखल झाले. पण डान्सबारमधील आरोपींनी पोलिसांवरच गोळीबार केला. यावेळी मोहिते यांच्या पायात गोळी लागून ते जखमी झाले. सध्या त्यांच्यावर उपचार सुरू आहेत.

मावळमधील फ्लेवर्स डान्स बारमध्ये बिल देण्यावरून दोन गटात वाद झाल्याने एकाला मारहाण करत गोळीबार करण्यात आला, अशी माहिती पोलिसांकडून देण्यात आली आहे. ही घटना शुक्रवारी मध्यरात्री घडली आहे.

गोळीबार करणाऱ्यांमध्ये 5 ते 6 जणांचा समावेश असून यातील दोन आरोपींना अटक करण्यात आली आहे. तर उर्वरित आरोपींचा शोध सुरू आहे. पोलीस याप्रकरणी आता अधिक तपास करत असून लवकरच उर्वरित आरोपींना लवकरच अटक केली जाईल, असं सांगण्यात येत आहे.


Loading...

VIDEO: क्लासमध्ये विद्यार्थीनीची काढली छेड; शिक्षकाला असा दिला चपला, बुटांचा आहेर

बातम्यांच्या अपडेटसाठी लाईक करा आमच्या फेसबुक पेजला आणि टि्वटरवर फाॅलो करा

First Published: Mar 9, 2019 08:43 AM IST
Loading...

ताज्या बातम्या

Loading...