News18 Lokmat

'मतभेद दूर होणार...नव्या दमाने काम करणार अन् राज्यात आता काँग्रेसचंच सरकार येणार'

प्रदेशाध्यक्षपदी निवड झाल्यानंतर थोरात यांनी नगरमध्ये पत्रकार परिषद घेत आपला अजेंडा स्पष्ट केला.

News18 Lokmat | Updated On: Jul 17, 2019 01:14 PM IST

'मतभेद दूर होणार...नव्या दमाने काम करणार अन् राज्यात आता काँग्रेसचंच सरकार येणार'

अहमदनगर, 14 जुलै : 'प्रदेशाध्यक्ष म्हणून माझ्यावर मोठी जबाबदारी आहे. या जबाबदारीत यशस्वी होणार आणि पुन्हा एकदा महाराष्ट्रात आघाडीचं सरकार येणार,' असं म्हणत काँग्रेसचे नवनियुक्त प्रदेशाध्यक्ष बाळासाहेब थोरात यांनी विधानसभा विजयाचा निर्धार व्यक्त केला आहे. प्रदेशाध्यक्षपदी निवड झाल्यानंतर थोरात यांनी नगरमध्ये पत्रकार परिषद घेत आपला अजेंडा स्पष्ट केला.

'आमच्या पक्षातून काही लोक गेले. पण जेव्हा कोणी पक्ष सोडत असतं त्याच्याजागी नवीन लोकांना संधी मिळून तरुण नेतृत्व निर्माण होत असतं. त्यामुळे गेलेल्या लोकांची चिंता नाही. आम्ही सर्व नेते आता एकदिलाने काम करून आगामी काळात महाराष्ट्रात सत्तांतर घडवून आणू,' असं बाळासाहेब थोरात यांनी म्हटलं आहे.

दरम्यान, काँग्रेसच्या लोकसभा निवडणुकीत पराभवामुळे काँग्रेसचे अध्यक्ष राहुल गांधी यांच्यासह अनेक मोठ्या पदावरील नेत्यांनी आपापले राजीनामे पक्षश्रेष्ठींकडे पाठवले होते. त्यात अशोक चव्हाण यांचाही समावेश होता.

आगामी विधानसभा निवडणुकीपूर्वी काँग्रेसने महाराष्ट्रातील नेतृत्वात बदल केला आहे. ज्येष्ठ नेते बाळासाहेब थोरात यांची प्रदेशाध्यक्षपदी नियुक्त्या केली आहे. सोबतच पाच कार्याध्यक्षांची नेमणूक करण्यात आली आहे.

अशोक चव्हाण यांचा नांदेड लोकसभा मतदार संघातून दारुण पराभव झाला होता. पराभवाची नैतिक जबाबदारी स्विकारून त्यांनी प्रदेशाध्यक्ष पदाचा राजीनामा दिला होता. दरम्यान, नितीन राऊत, यशोमती ठाकूर, बसवराज पाटील, विश्वजीतक कदम आणि मुझफ्फर हसन यांची कार्याध्यक्षपदी निवड करण्यात आली आहे.

Loading...

VIDEO : काँग्रेसला राज्यात मिळाला नवीन 'कॅप्टन' अशोक चव्हाण म्हणतात...

बातम्यांच्या अपडेटसाठी लाईक करा आमच्या फेसबुक पेजला , टि्वटरवर आणि जी प्लस फाॅलो करा

First Published: Jul 14, 2019 09:49 AM IST
Loading...

ताज्या बातम्या

Loading...