S M L

अनिकेत कोथळे हत्या प्रकरणी सांगलीच्या पोलीस अधिक्षकांची नागपूरला बदली

दत्तात्रय शिंदेंच्या जागी पोलीस अधीक्षकपदी सुहैल शर्मा यांची नियुक्ती करण्यात आलीये.

Sachin Salve | Updated On: Nov 23, 2017 07:48 PM IST

अनिकेत कोथळे हत्या प्रकरणी सांगलीच्या पोलीस अधिक्षकांची नागपूरला बदली

23 नोव्हेंबर : अनिकेत कोथळे हत्या प्रकरणी सांगलीचे पोलीस अधिक्षक दत्तात्रय शिंदे आणि उपअधिक्षक डॉ. दीपाली काळे यांची अखेर बद्दली बदली करण्यात आलीय. दत्तात्रय शिंदेंच्या जागी  पोलीस अधीक्षकपदी सुहैल शर्मा यांची नियुक्ती करण्यात आलीये.

अनिकेत कोथळे हत्या प्रकरणी प्रकरणी या दोघांची चौकशी सुरू होती. राज्याच्या गृह विभागाने गुरुवारी बदल्यांचे आदेश जारी केले. दत्तात्रय शिंदे यांची नागपूरला तर दीपाली काळे यांची सोलापूरला बदली करण्यात आलीय.

पोलीस अधीक्षकपदी सुहैल शर्मा यांची नेमणूक करण्यात आलीय. तर उपअधीक्षकपदी अशोक विरकर यांची नियुक्ती करण्यात आलीय. लूटमार प्रकरणी अटकेत असलेल्या अनिकेत अशोक कोथळे या आरोपीचा सांगली पोलिसांच्या अमानुष मारहाणीत मृत्यू झाला.

पोलिसांनी हे प्रकरण दडपण्यासाठी मृतदेह आंबोलीत नेऊन जाळला आणि आरोपी पळून गेल्याचा बनाव रचला. मात्र सखोल चौकशीनंतर अनिकेतचा पोलीस कोठडीत मृत्यू झाल्याचे स्पष्ट झालं. आंबोलीत नेऊन जाळल्याप्रकरणी पोलीस उपनिरीक्षक युवराज कामटेसह पाच पोलिसांना सेवेतून बडतर्फ करण्यात आलंय.

बातम्यांच्या अपडेटसाठी लाईक करा आमच्या फेसबुक पेजला , टि्वटरवर आणि जी प्लस फाॅलो करा

First Published: Nov 23, 2017 07:48 PM IST

लोकप्रिय बातम्या

Live TV

News18 Lokmat
close