यशोमती ठाकूर यांनी अमृता फडणवीसांचं केलं कौतुक, 'तिला जगू द्या' गाण्यावर म्हणाल्या...

मुंबई, 20 नोव्हेंबर : विधानसभेचे विरोधीपक्ष नेते देवेंद्र फडणवीस यांच्या पत्नी अमृता फडणवीस यांनी भाऊबिज-पाडव्या दिवशी सणानिमित्तानं खास तिला जगू द्या हे गाणं प्रेक्षकांच्या भेटीला आलं. या गाण्यावर अनेक स्तरातून टीका करण्यात आल्या. युट्यूबवर 42 हजारहून अधिक लोकांना तो आवडला देखील नाही. सोशल मीडियाच नाही तर राजकीय स्तरातून देखील टीकेची झोड उठली असताना मात्र मंत्री यशोमती ठाकूर यांनी मात्र तोंडभरून अमृता फडणवीस यांचं कौतुक केलं आहे.

'सध्या विविध कारणांमुळे अमृता फडणवीस यांचं हे गाणं व्हायरल आहे. गाण्याचा आशय छान आहे. मुलींचा जन्मदर वाढवण्यासाठी जनजागृती महत्वाची आहे. असं ट्वीट मंत्री योशोमती ठाकूर यांनी करत अमृता फडणवीस यांना शुभेच्छा देखील दिल्या आहेत. गाण्याचा आशय खूप चांगला आहे मुलींना जगू द्या शिकू द्या आणि त्यांच्या स्वप्नांना जगूद्या असं चांगला संदेश या गाण्यातून देण्यात आला आहे असं योशोमती ठाकूर यांनी म्हटलं आहे.

सध्या विविध कारणांमुळे अमृता फडणवीस यांचं हे गाणं व्हायरल आहे. गाण्याचा आशय छान आहे.मुलींचा जन्मदर वाढवण्यासाठी जनजागृती महत्वाची आहे. माझ्या शुभेच्छा!!!https://t.co/m9Ygrg1K0z

— Adv. Yashomati Thakur (@AdvYashomatiINC) November 19, 2020

हे वाचा-मोदींच्या 'मन की बात'नंतर अमृता फडणवीसांना ट्रोल्सचा फटका; ट्वीट करत म्हणाल्या..

अमृता फडणवीस यांचं 'तिला जगू द्या' गाणं नुकतंच प्रदर्शित झाल्यानंतर या व्हिडीओला 2 दिवसांत 10 लाखांपेक्षा जास्त व्ह्यूज मिळाले. पण या गाण्याला ट्रोलर्सचा सामना करावा लागला. यापूर्वी अमृता फडणवीस यांचं महिलांच्या बाबतीतलंच गाणं गायलं होतं. अ‍ॅसिड हल्ल्यातील पीडित महिलांना प्रोत्साहन देण्यासाठी हे गाणं त्यांनी गायलं होतं. अलग मेरा ये रंग है, मेरी खुदसेही जंग है असे या गाण्याचे बोल होते. अमृता फडणवीस यांच्या गाण्यावर निर्माता, दिग्दर्शक महेश टिळेकर यांनीही टीका केली आहे.