मराठी बातम्या /बातम्या /महाराष्ट्र /

कोल्हापूर महापालिकेसाठी आतापासूनच हालचाली; कोण, कशी आखतोय रणनीती?

कोल्हापूर महापालिकेसाठी आतापासूनच हालचाली; कोण, कशी आखतोय रणनीती?

राज्यात महाविकास आघाडीच सरकार सत्तेवर आल्यानंतर स्थानिक स्वराज्य संस्थांमध्येही राजकीय समिकरणं बदलली आहेत. कोल्हापूर महानगरपालिका निवडणुकीसाठी सर्वचं राजकीय पक्षांनी आतापासूनच मोर्चे बांधणी सुरू केली आहे.

राज्यात महाविकास आघाडीच सरकार सत्तेवर आल्यानंतर स्थानिक स्वराज्य संस्थांमध्येही राजकीय समिकरणं बदलली आहेत. कोल्हापूर महानगरपालिका निवडणुकीसाठी सर्वचं राजकीय पक्षांनी आतापासूनच मोर्चे बांधणी सुरू केली आहे.

राज्यात महाविकास आघाडीच सरकार सत्तेवर आल्यानंतर स्थानिक स्वराज्य संस्थांमध्येही राजकीय समिकरणं बदलली आहेत. कोल्हापूर महानगरपालिका निवडणुकीसाठी सर्वचं राजकीय पक्षांनी आतापासूनच मोर्चे बांधणी सुरू केली आहे.

कोल्हापूर,10 जानेवारी: राज्यात महाविकास आघाडीच सरकार सत्तेवर आल्यानंतर स्थानिक स्वराज्य संस्थांमध्येही राजकीय समिकरणं बदलली आहेत. कोल्हापूर महानगरपालिका निवडणुकीसाठी सर्वचं राजकीय पक्षांनी मोर्चे बांधणी सुरु केलीय. बदलत्या राजकीय समिकरणांच्या पार्श्वभूमीवर कोण बाजी मारणार याची उत्सुकता निर्माण झालीय. पालिकेत महाविकास आघाडी सत्ता राखणार? कोल्हापूर महापालिकेच्या निवडणुकीला अजून बराच कालावधी बाकी असला तरी आतापासूनचं मोर्चेबांधणी सुरूवात झाली आहे. भाजप ताराराणी आघाडी तसेच महाविकास आघाडीनं निवडणुकीसाठी कंबर कसली आहे. निवडणुकीसाठी सर्वचं राजकीय पक्षांच्या बैठकांचं सत्र आत्तापासूनच सुरू झालं आहे. सध्या कोल्हापूर महानगरपालिकेवर काँग्रेस-राष्ट्रवादीची सत्ता आहे. महाविकास आघाडीत नुकतेचं कोल्हापूरला तीन मंत्रिपदं मिळाली आहेत. गेल्या आठवड्यात जिल्हा परिषद अध्यक्षपदाच्या निवडणुकीत भाजपला पराभूत करुन महाविकास आघाडी सत्तेवर आली. त्यामुळे आगामी महापालिकेच्या निवडणुकीत महाविकास आघाडी पुन्हा सत्ता राखणार का? की ताराराणी आघाडी म्हणजेच भाजप प्रदेशाध्यक्ष चंद्रकांत पाटील आणि महाडिक घराणं सत्ता खेचून आणणार याकडं सर्वांचं लक्ष लागलं आहे. पालिकेत कुणाचं किती आहे संख्याबळ? कोल्हापूर महापालिकेत सध्या काँग्रेसचे 29 नगरसेवक आहे. तर राष्ट्रवादीचे 15 नगरसेवक आहे. ताराराणी आघाडीचे 19 नगरसेवक आहेत. भाजपचे 14 तर शिवसेनेचे 4 नगरसेवक  पालिकेत आहेत. सध्या राज्यात सत्तेत असलेल्या महाविकास आघाडीनं सत्ता पुन्हा खेचून आणण्यासाठी आतापासूनच रणनिती आखण्यास सुरवात केली आहे. तर भाजप आणि ताराराणी युतीनंही सत्ता मिळवण्यासाठी बैठकांचं सत्र सुरू केलं आहे. सतेज पाटील आणि धनंजय महाडिक यांची प्रतिष्ठापणाला आगामी काळात कोल्हापूर पालिकेच्या निवडणुकीचा धुरळा उडणार आहे. त्यामुळं महाविकास आघाडीचे राज्यमंत्री सतेज पाटील आणि भाजपचे माजी खासदार धनंजय महाडिक या दोन्ही नेत्यांसाठी महापालिकेची निवडणूक प्रतिष्ठेची असणार. त्यामुळं राज्यमंत्री सतेज पाटील कोल्हापुरात पुन्हा सत्ता राखण्यासाठी आतापासूनच रणनिती आखत आहेत. तर दुसरीकडे भाजपचे माजी खासदार धनंजय महाडिक कोल्हापूर पालिकेवर युतीची सत्ता आणण्यासाठी जोरदार प्रयत्न करणार आहे. त्यामुळं या दोन नेत्यांमध्ये कुणाची रणनिती कामी येणार आणि सत्तेच्या चाव्या कुणाच्या हाती येणार हे तर काळच ठरवले. सत्ता परिवर्तनाचा फायदा होणार? राज्यातील फडणवीस सरकार गेलं आणि आता उद्धव ठाकरे सरकार आलं आहे. त्यामुळं काही दिवसांपूर्वी झालेल्या जिल्हा परिषद आणि पंचायत समितीच्या निवडणुकीत सत्ता परिवर्तनाचा परिणाम दिसला. विदर्भातील पाच जिल्हा परिषदांवर महाविकास आघाडीनं झेंडा रोवला. धक्कादायक म्हणजे देवेंद्र फडवणीस यांच्या नागपूर जिल्हा परिषदेवर महाविकास आघाडीची सत्ता आली. त्यामुळं सत्ता परिवर्तनाचा फायदा कोल्हापूर महापालिकेच्या निवडणुकीत महाविकास आघाडीला मिळण्याची शक्यता आहे.
Published by:Manoj Khandekar
First published:

Tags: Congress, In Kolhapur, Kolhapur news

पुढील बातम्या