Wardha News: सरकारी बंदीचा फज्जा, खुलेआम सुरूय पॉलिथिन पिशव्यांची विक्री

वृषभ फरकुंडे, प्रतिनिधी

वर्धा, 16 मार्च : राज्यात प्लास्टिक, थर्माकॉल मटेरियल आणि पॉलिथिन कॅरीबॅगच्या वापरावर बंदी घालण्यात आली आहे. मात्र तरीही त्यांचा वापर वर्धा शहरात होताना दिसतो. यादरम्यान नगर परिषद प्रशासनाने अवैध कॅरीबॅग विक्रीवर बंदी घालण्यास सुरुवात केली. तसेच विक्रेत्यांकडून दंडही वसूल करण्यात आला. मात्र आता पुन्हा या कॅरीबॅग्सची मोठ्या प्रमाणात विक्री होताना दिसत आहे. प्रशासनाने याकडे लक्ष देण्याची मागणी होत आहे.

पॉलिथिन बंदी मोहिमेचा फज्जा

घरातून बाहेर पडताना कापडी पिशवी सोबत ठेवावी. जेणेकरून तुम्हाला पॉलिथिन पिशव्या विक्रेत्यांकडे मागवाव्या लागणार नाहीत. यासंदर्भात राबविण्यात येत असलेल्या मोहिमेत सामाजिक संस्थांचाही सहभाग होता. सरकारने एकेरी वापराच्या साहित्यावर बंदी घातली आहे. यासोबतच प्लास्टिक कोटेड साहित्यावरही बंदी घालण्यात आली असली तरी त्याकडे दुर्लक्ष केले जात आहे.

कापडी पिशवी वाटप मोहीम थंडावली

काही महिन्यांपूर्वी शहरातील सामाजिक संस्थांकडून कापडी पिशव्यांचे वाटप करण्यात येत होते. त्यांचे वितरण अगदी चौकाचौकात सुरू झाले. त्यामुळे नागरिकांमध्ये जागृती निर्माण झाली. पण प्रत्येक मोहिमेप्रमाणे ही मोहीमही अयशस्वी ठरली आणि नंतर तेच चक्र पूर्वीपासून सुरू होते.

Wardha News: 'कुलींग चार्जेस'साठी 5 रुपये जास्त द्यावेत का? वाचा नियम काय सांगतो

पॉलिथिनचा अनावश्यक वापर थांबवण्याची गरज

लोक पूर्वीप्रमाणेच कॅरीबॅग वापरताना दिसतात. पॉलिथिनचा अनावश्यक वापर थांबवण्यासाठी आता नव्याने प्रयत्न करण्याची गरज आहे. त्यामुळे पर्यावरणाला धोका निर्माण होऊ शकतो. त्यासाठी सावध राहण्याशिवाय पर्याय नाही, असे सांगितले जात आहे.