"हात जोडून विनंती करतो, बँकेच्या सभासदांची जिरवू नका, माझी जिरवायची असेल तर जिरवा" : उदयनराजे भोसले

सातारा, 30 ऑक्टोबर : सातारा जिल्हा मध्यवर्ती बँकेने (Satara District central co operative bank) जरंडेश्वर साखर कारखान्याला दिलेल्या कर्जवाटप प्रकरणी बँकेला ईडीची नोटीस (ed notice) आली आहे. या नोटीस संदर्भात खासदार उदयनराजे भोसले यांनी बँकेकडे माहिती मागत विचारणा केली. मात्र, बँकेच्या संचालकांनी ही माहिती देण्यास नकार दिला. यानंतर खासदार उदयनराजे भोसले (MP Udayanraje Bhosale) हे चांगलेच संतापल्याचं पहायला मिळालं. जिल्हा बँकेला आलेल्या नोटीसबाबत विचारले असता बँकेच्या संचालक मंडळाने उदयनराजे भोसले यांना सांगितले, हे प्रकरण न्यायप्रविष्ट आहे आणि त्यामुळे आम्ही तुम्हाला या संदर्भात माहिती देऊ शकत नाही. बँकेच्या संचालक मंडळाकडून देण्यात आलेल्या या उत्तरानंतर खासदार उदयनराजे भोसले यांनी संतप्त प्रतिक्रिया दिली आहे. वाचा : 'क्रीडा संकुल उभारलं तेव्हाच्या पालकमंत्र्यांना जोड्याने मारलं पाहिजे' उदयनराजे संतापले, पाहा VIDEO उदयनराजे भोसले म्हणाले, बँक ही टिकून रहावी असं मला वाटत आहे. मला माहिती आहे की, मी बोलत असताना अनेकांना वाटत असेल की खूप मस्ती आलीय. माझी नका जिरवू, मेहरबानी करा... माझी विनंती आहे, मी तुमचा कोणाचा दुश्मन नाहीये. हात जोडून विनंती करतो... ही बँक शेतकरी आणि शेतकरी सभासदांची आहे. या गोरगरीब शेतकरी सभासदांच्या वतीने विनंती करतो ही बँक राहू द्या. ही बँक शेतकऱ्यांची अर्थवाहिनी आहे. सभासदांची जिरवू नका माझी जिरवायची असेल तर जिरवा.

खासदार उदयनराजे भोसले यांची जिल्हा बँकेच्या ED नोटीसवरून संतप्त प्रतिक्रिया pic.twitter.com/3hEKAW7zvH

— News18Lokmat (@News18lokmat) October 30, 2021

मी जे हे काही करतोय त्यात माझा स्वार्थ काय आहे ? ते कोण मला पॅनलमध्ये घेणारे, मी ठरवतो कुठं जायचं... परिणामांना मी घाबरत नाही, जे व्हायचंय ते होऊ द्या. हे सर्व करत असताना माझा स्वार्थ काय आहे ते सांगा. मी कोणाच्या विरोधात बोलत नाही. मी शेतकऱ्यांच्या हिताचं बोलतोय असंही खासदार उदयनराजे भोसले म्हणाले. 'ED ने महाराष्ट्रात यावं, पण एका अटीवर...' उदयनराजेंनी घातली अट महाराष्ट्रात गेल्या काही दिवसांपासून ईडी (ED), सीबीआय (CBI)कडून विविध संस्था, व्यक्तींच्या विरोधात कारवाई केल्या जात आहेत. कारवाई होत असलेल्या नेत्यांमध्ये राजकीय नेत्यांचा समावेश असल्याने राज्यातील राजकीय वातावरणही चांगलेच तापले आहे. सत्ताधारी केंद्रातील भाजवर आरोप करत आहेत तर भाजपचे नेते मविआ सरकारमधील नेत्यांना प्रत्युत्तर देत आहेत. याच दरम्यान भाजप खासदार उदयनराजे भोसले (Udayanraje Bhosle) यांनी ईडी समोर एक अट ठेवली आहे. काही दिवसांपूर्वी उदयनराजेंनी म्हटलं, नेहमी मी सांगतो, ईडीने यावं... पण एका अटीवर... कारवाई करणार असाल तर नाही तर येऊ नका. नाहीतर परत त्यांनी सांगितलं, त्यांचा फोन आला म्हणून सांगितलं. तसे असेल तर येऊ नका. येणार असाल तर सर्व प्रसारमाध्यमांसोर या आणि सांगा. ईडी जेव्हा एखादी केस घेते त्याची कारवाई करताना सर्व मीडियासमोर झालं पाहिजे.