मुंबई, 5 जुलै: खेकडे एकमेकांचे पाय खेचतात अशी म्हणायची एक पद्धत आहे मात्र आता हे पाय खेचणारे खेकडे धरणही फोडत असल्याचा अजब दावा केला आहे. जलसंधारणमंत्री तानाजी सावंत यांनीच खेकड्यांमुळे धरण फुटल्याचा दावा केला. त्यांच्या या दाव्यानंतर राष्ट्रवादी काँग्रेस आणि मनसेनं चक्क पोलीस ठाण्यात पोलिसांना खेकडे देत आंदोलन केलं आहे. याच आरोपी खेकड्यांना तुरुंगात टाका अशी मागणी विरोधकांनी केली आहे. आता पोलीस खरंच खेकड्यांना तुरूंगात टाकणार की खेकड्याची वृत्ती असणाऱ्या अधिकाऱ्यांवर कारवाई करणार हे पाहाणं महत्त्वाचं ठरणार आहे.
