काळजी घ्या! पुण्यासह या 10 जिल्ह्यांमध्ये पुढील काही तासांमध्ये वादळी वाऱ्यासह पाऊस कोसळणार

मुंबई, 21 ऑक्टोबर : गेल्या काही दिवसांपासून राज्यभरात मुसळधार पावसाने हाहाकार माजवला आहे. अजून पुढचे काही दिवस महाराष्ट्राला पावसाचा तडाखा सहन करावा लागणार आहे. अशातच पुढील 3 ते 4 तासांमध्ये पुण्यासह महाराष्ट्रातील इतर 10 जिल्ह्यांमध्ये मुसळधार पावसाचा अंदाज वर्तवण्यात आला आहे.

'रायगड, रत्नागिरी आणि सिंधुदुर्ग जिल्ह्यात पुढील 3 ते 4 तासांध्ये वादळी वाऱ्यासह आणि विजांच्या कडकडाटासह पाऊस कोसळेल. त्यानंतर हीच स्थिती ठाणे, नाशिक, पुणे, अहमदनगर, औरंगाबाद, नंदुरबार, जळगाव आणि कोल्हापूर या जिल्ह्यांमध्येही पाऊस धुमाकूळ घालण्याची शक्यता आहे,' असा अंदाज प्रादेशिक हवामान केंद्र, मुंबई यांच्याकडून वर्तवण्यात आला आहे.

Thunderstorm accompanied with lightning & moderate to intense spells of rain to occur at isolated places in the districts of Raigad Ratnagiri & Sindudurg during next 3-4 hrs
⛈️Activity likely to continue over Thane, Nasik, Pune Ahmednagar,Aurangabad,Nandurbar, Jalgaon & Kolhapur pic.twitter.com/fmQNRjBFh9

— Regional Meteorological Center,Mumbai (@RMC_Mumbai) October 21, 2020

पावसाच्या तडाख्याने शेतीचं तर मोठं नुकसान झालंच आहे, मात्र त्याशिवाय काही ठिकाणी जीवितहानीच्याही दुर्दैवी घटना घडल्या आहेत. कुठे पाण्यात वाहून गेल्यामुळे तर कुठे वीज कोसळल्यामुळे नागरिकांना आपला जीव गमवावा लागला.

Possibility of thunderstorms⛈️ over Konkan and parts of interior Maharashtra to continue for next 2-3 days with reduction thereafter. Conditions becoming favorable for withdrawal of monsoon from northern parts of Maharashtra during next 3-4 days. District wise warnings ⬇️ pic.twitter.com/cvcorxjWHi

— Regional Meteorological Center,Mumbai (@RMC_Mumbai) October 21, 2020

त्यामुळे ज्या परिसरात पावसाचा अंदाज वर्तवण्यात आला आहे, तेथील नागरिकांनी सुरक्षित ठिकाणी आसरा घ्यावा, असं आवाहन करण्यात येत आहे.