संजय राऊत राजकारणातले प्रेम चोपडा, कुणाला नांदू द्यायंच नाही; शिवसेना नेत्याची टीका

मुंबई, 26 मे : शिवसेना प्रवक्ते संजय शिरसाट यांनी खासदार संजय राऊत यांच्यावर टीका करताना संजय राऊत म्हणजे राजकारणातला प्रेम चोपडा असल्याचं म्हटलंय. त्यांना काही ना काही बडबड करून कोणाला नांदू द्यायचं नाही असं असतं. रमजानमध्ये शीरकुरमा जास्त खाल्याने त्यांनी आम्हाला खुराडा म्हटलं. त्यांच्यावर कापायचा प्रभाव जास्त असल्याचंही शिरसाट म्हणाले.

संजय राऊतांवर टीका करताना संजय शिरसाट म्हणाले की, ज्याची नसबंदी झालेली असते त्याला मुलं होत नाहीत म्हणतात. पण संजय राऊत असा चमत्कार आहे जो नसबंदी झाल्यावरही आम्हाला मुल होईल असं सांगण्याचा पर्याय आहे.

लोकसभा पोटनिवडणुकीपूर्वीच मविआत बिघाडी? पुण्यातील काँग्रेसच्या जागेवर राष्ट्रवादीचा दावा 

राज्यात सत्तासंघर्ष, बंडखोरी यावरून संजय राऊत यांनी शिंदे गटावर टीका केली होती. द डायरी ऑफ महाराष्ट्र खोके असा सिनेमा काढणार असंही राऊत म्हणाले होते. यावर संजय शिरसाट यांनी म्हटलं की, संजय राऊत हा सैराटसारखा पिक्चर काढणार. तसंच १८ खासदारांपैकी १३ खासदार निघून गेले. पाच राहिले तरी दावा १९ चा करतात हे मूर्खपणाचे लक्षण संजय राऊतांमध्ये आहे अशी टीका शिरसाट यांनी केली.

महाविकास आघाडीत राष्ट्रवादी, ठाकरे गट यांच्याबाबत बोलताना संजय शिरसाट म्हणाले की, राष्ट्रवादी आणि ठाकरे गटाचे जे प्रेमसंबंध चालू आहेत त्याचा अंत सुसाइडमध्ये होणार आहे. त्यावर त्यांनी पिक्चर काढायला पाहिजे होता.

लोकसभेसाठी जागा वाटपाची प्राथमिक बोलणी सुद्धा सुरू झालेले नाही आमची बोली सुरू होईल त्याच्यानंतर योग्य तो निर्णय एकनाथ शिंदे घेतील. मंत्रिमंडळ विस्ताराबद्दल माननीय मुख्यमंत्री व उपमुख्यमंत्री लवकरच निर्णय घेतील अशी आम्हाला अपेक्षा शिरसाट यांनी व्यक्त केली.