Home /News /maharashtra /

Pune : राज्यात पहिल्यांदाच साकारतेय तब्बल 35 फूट उंच विठ्ठलाची मुर्ती; कशी बनवली जातेय मुर्ती, पहा VIDEO

Pune : राज्यात पहिल्यांदाच साकारतेय तब्बल 35 फूट उंच विठ्ठलाची मुर्ती; कशी बनवली जातेय मुर्ती, पहा VIDEO

विठ्ठल

विठ्ठल मुर्ती, पुणे.

राज्याच पहिल्यांदाच 35 फूट उंचीची विठ्ठलाची मुर्ती साकारली जात आहे. पुण्यातील प्रसिद्ध शिल्पकार विनोद येलारपूरकर यांनी ही मुर्ती घडविण्याचे काम घेतलेले आहे.

    पुणे, 27 जून : संपूर्ण महाराष्ट्राचे आराध्य असलेल्या लाडक्या विठूरायाच्या (Lord Vitthal) वारीला नुकतीच सुरुवात झाली आहे. अशावेळी पुण्यातील शिल्पकार विनोद येलापूरकर यांनी तब्बल 35 फूट उंचीची विठ्ठल मूर्ती साकारली आहे. सिंहगड रोड येथील आपल्या स्टुडिओत सुप्रसिद्ध शिल्पकार विनोद येलारपूरकर यांनी राज्यातील सर्वात मोठी आणि चौथऱ्यासह विठ्ठलाची उंच मूर्ती साकारली आहे. (A 35 feet high idol of Vitthal Idol) वाचा : ‘माझी मान कापली तरी तो मार्ग स्विकारणार नाही; मला अटक करा’, ED ने समन्स बजावताच राऊतांची प्रतिक्रिया विठ्ठलाची भलीमोठी मुर्ती सातारा जिल्ह्यातील वाईजवळील कुडाळ गावातील भालेकर कुटुंबाच्या बंगल्यात आषाढी एकादशीचे औचित्य साधून प्राणप्रतिष्ठापना करण्यात येणार आहे. ही मूर्ती विष्णु रुपात साकरली आहे. मुर्तीच्या उजव्या हातात कमल पुष्प आणि डाव्या हातात शंख, अशा विष्णू रुपात ही मूर्ती तयार करण्यात आली आहे.

    गुगल मॅपवरून साभार...

    "विठ्ठलाची ही मुर्ती बनविण्याकरिता प्रत्येकी 40 किलो वजनाची तब्बल 200 शाडूच्या मातीची पोती लागली. तर, दीड हजार किलो वजनाचा लोखंडी सांगाडा वापरण्यात आला. तसेच यात पूर्णपणे फायबर वापरण्यात आले आहे. यामुळे ही मूर्ती हवा, पाणी आणि इतर कोणत्याही वातावरणात खराब होणार नाही. 10 फुटी चौथाऱ्यावर मूर्ती स्थापन केल्यानंतर बाजूला पेटी, तबला, वीणा, डगा ही वारकऱ्यांची वाद्यंही लावण्यात येणार आहे. तसेच 25 फुटांवर ही मुर्ती विठ्ठलाची मुर्ती उभी राहणार आहे. ही मूर्ती बनवण्यासाठी 4 ते 5 महिन्यांचा कालावधी लागला, अशी माहिती शिल्पकार विनोद येलारपूरकर यांनी यावेळी दिली. विनोद यांनी बनवलेली ही पहिलीच सर्वात मोठी मुर्ती आहे. त्यांचा स्वतःचा कारखाना आहे, त्यामुळे ते जशी ऑर्डर येईल त्याप्रमाणे मूर्ती बनवून देतात. त्यांच्याशी संपर्क करण्यासाठी 9822924422 हा मोबाईल नंबर आहे, तर ई-25, प्रसाद पार्क, सिंहगड रोड, विठ्ठलवाडी, पुणे, महाराष्ट्र 411051 आपण पत्त्यावर भेट देऊ शकता. वाचा : महामिनिस्टरच्या निमित्तानं अभिनेत्री 15 वर्षांनी भेटली आदेश भावोजींना; ‘देवमाणूस 2’मध्ये साकारतेय खास भूमिका यापुर्वीदेखील विनोद येलापूरकर यांनी बनवलेल्या अनेक मुर्ती पुण्यातील महत्त्वाच्या चौकात उभारण्यात आलेल्या आहेत. ही मूर्ती दोन भागांमध्ये बनवली गेलेली आहे. विठ्ठलाच्या कमरेवरचा पहिला भाग मुर्तीकारांनी आपल्या घरी बनवला. हा भाग उन्हाळ्यामध्ये बनवला लागला असून उर्वरित भाग शाडूच्या मूर्ती पासून बनवलेला आहे. सध्या त्यामध्ये आता फायबरचे काम सुरू आहे. आषाढी एकादशीचे औचित्य साधून ही मुर्ती साताऱ्याकडे पाठवण्यात येणार आहे. या मुर्तीचे दर्शन घ्यायलादेखील लोक सध्या येत आहेत. विनोद यांना मूर्तीकलेचा चांगला अनुभव असून यांनी आपल्या कलेच्याद्वारे विठ्ठलाला आपली सेवा अर्पण केली आहे.
    First published:

    Tags: Maharashtra News, Pune, Wari

    पुढील बातम्या