पोलिसांच्या कारवाईवर प्रश्नचिन्ह राष्ट्रवादी काँग्रेसच्या या कार्यक्रमात जर नियमांचं उल्लंघन झालं असेल, तर सरसकट सर्व उपस्थित नेत्यांवर गुन्हे दाखल न करता केवळ स्थानिक पातळीवरच्या कार्यकर्त्यांवरच गुन्हे दाखल का करण्यात आले, अशी चर्चा सध्या सुरु आहे. यापूर्वी काँग्रेस नेत्या प्रणिती शिंदे आणि मराठा आक्रोश मोर्चात सहभागी झालेले भाजपचे 5 आमदार यांच्याविरोधात पोलिसांनी गुन्हे दाखल केले होते. मग आता राष्ट्रवादीच्या मंत्र्यांवर गुन्हे दाखल करताना पोलीस मागे का हटत आहेत, असा सवाल उपस्थित केला जात आहे. पोलिसांच्या कारवाईवर स्थानिकांकडून प्रश्नचिन्ह निर्माण केलं जात आहे. तसेच राष्ट्रवादी कॉंग्रेसच्या वाट्याला आलेल्या गृहखात्याचा गैरवापर पक्षाकडून होत आहे का असा प्रश्नदेखील उपस्थित होत आहे. हे वाचा -अनिल देशमुखांच्या मूळगावी EDचे छापे, कार्यकर्त्यांच्या नारेबाजीचा Live Video कोर्टाच्या सूचनेनंतरही गर्दी एकीकडे कोरोनाच्या तिसऱ्या लाटेची भीती व्यक्त होत असताना आणि कुठल्याही कार्यक्रमातील उपस्थितीची मर्यादा निश्चित करण्यात आलेली असताना राष्ट्रवादी काँग्रेसच्या या कार्यक्रमात गर्दी झाली. राजकीय कार्यक्रमांना आळा घालणे तुम्हाला जमत नसेल, तर आम्हाला सांगा. आम्ही काय ते बघू, असा इशारा मुंबई उच्च न्यायालयाने राज्य सरकारला दिला होता. त्यानंतर सरकारने गर्दी होऊ न देण्याचे आश्वासन दिले होते. मात्र सरकारमध्ये सहभागी असणाऱ्या राष्ट्रवादीकडूनच नियमांचं उल्लंघन होत असल्यामुळे आश्चर्य व्यक्त होत आहे.सोलापूर येथील इरफान शेख, अदनान तोफिक शेख, अजित बनसोडे, इक्बाल वस्ताद, लकी गायकवाड, इनुस शेख, अजमल शेख यांच्यासह एमआयएमच्या अनेक पदाधिकाऱ्यांनी आज @NCPspeaks मध्ये प्रवेश केला. पक्षात नव्याने आलेल्या सर्व पदाधिकाऱ्यांचे मी राष्ट्रवादी काँग्रेस पार्टीत स्वागत करतो pic.twitter.com/0mr3EUr7zA
— Jayant Patil- जयंत पाटील (@Jayant_R_Patil) July 17, 2021
मराठी बातम्या, ब्रेकिंग न्यूज मराठीत सर्वात आधी News18 लोकमतवर. आजच्या ताज्या बातम्या, लाइव्ह न्यूज अपडेट, सर्वात आधी वाचा विश्वासार्ह मराठी न्यूज वेबसाइट News18 लोकमतवर.