मुंबई, 23 जानेवारी : शिवसेनाप्रमुख दिवंगत बाळासाहेब ठाकरे यांची आज 94 वी जयंती आहे. यानिमित्त शिवाजी पार्क येथील बाळासाहेब ठाकरे यांचं स्मृतीस्थळ फुलांनी सजवण्यात आलं आहे. त्यांना अभिवादन करण्यासाठी शिवसैनिक शिवाजी पार्ककडे ओढ घेत आहेत. तसंच देशभरातील दिग्गज नेत्यांकडूनही बाळासाहेब ठाकरे यांना अभिवादन करण्यात येत आहे.

जयंतीनिमित्त बाळासाहेब ठाकरे यांना पंतप्रधान नरेंद्र मोदी यांनी अभिवादन केलं आहे. 'महान बाळासाहेब ठाकरे यांना जयंतीनिमित्त अभिवादन. धैर्यवान बाळासाहेबांनी लोकांच्या प्रश्नांना आवाज देताना कधीही मागे-पुढे पाहिले नाही. भारतीय मुल्यांबद्दल त्यांना नेहमीच अभिमान होता. ते लाखो लोकांना प्रेरणा देत राहतील,' अशा शब्दांत नरेंद्र मोदी यांनी आपल्या भावना व्यक्त केल्या आहेत.

Tributes to the great Balasaheb Thackeray on his Jayanti. Courageous and indomitable, he never hesitated from raising issues of public welfare. He always remained proud of Indian ethos and values. He continues to inspire millions.

— Narendra Modi (@narendramodi) January 23, 2020

दुसरीकडे, महाराष्ट्राचे माजी मुख्यमंत्री आणि विधानसभेचे विरोधी पक्षनेते देवेंद्र फडणवीस यांनी बाळासाहेब ठाकरे यांच्याबद्दल आदर व्यक्त केला आहे.

महाराष्ट्राचं वैभव,
ज्वलंत विचारांचा ‘मार्मिक’ ठेवा
हिंदूहृदयसम्राट शिवसेनाप्रमुख
बाळासाहेब ठाकरे यांना
जयंतीदिनी विनम्र अभिवादन...! pic.twitter.com/k0cTgSp1Cf

— Devendra Fadnavis (@Dev_Fadnavis) January 23, 2020

शिवसेनाप्रमुख वंदनीय बाळासाहेब ठाकरे यांना जयंतीदिनी विनम्र अभिवादन!#balasahebthackeray pic.twitter.com/pcmjAR1bfh

— Dhananjay Munde (@dhananjay_munde) January 23, 2020

दरम्यान, बाळासाहेब ठाकरे यांच्या जयंतीनिमित्त शिवसेनेकडून शक्तिप्रदर्शन करण्यात येणार आहे. 'शिवसेना वचनपूर्ती जल्लोष' सोहळ्यात मुख्यमंत्री आणि शिवसेना पक्ष प्रमुख उद्धव ठाकरे यांचा जाहीर सत्कार होणार आहे. हा सत्कार सोहळा वांद्रे-कुर्ला संकुलातील एमएमआरडीए मैदानात होणार आहे. शिवसेनाप्रमुख बाळासाहेब ठाकरे यांनी ज्या वर्षी शिवसेनेची स्थापना केली होती, त्यावेळच्या शिवसेनेच्या पहिल्या फळीतील जेष्ठ शिवसैनिकांचा या सत्कार सोहळ्यात गौरव होणार आहे.

First Published: Jan 23, 2020 09:13 AM IST