Home /News /maharashtra /

Inside Audio: गुवाहाटीत आमदारांच्या गोटात कसं आहे वातावरण? आमदारांच्या तोंडूनच ऐका

Inside Audio: गुवाहाटीत आमदारांच्या गोटात कसं आहे वातावरण? आमदारांच्या तोंडूनच ऐका

राज्यातील सत्तासंघर्षाचे केंद्र सध्या गुवाहाटीमध्ये आहे. शिवसेना नेते एकनाथ शिंदे (Eknath Shinde) सध्या गुवाहाटीमध्ये आहेत. या आमदारांच्या गोटात कसं वातावरण आहे, हे या Inside Audio मधून स्पष्ट होते.

मुंबई, 23 जून : राज्यातील सत्तासंघर्षाचे केंद्र सध्या गुवाहाटीमध्ये आहे. शिवसेना नेते एकनाथ शिंदे (Eknath Shinde) सध्या गुवाहाटीमध्ये आहेत. त्यांनी 42 आमदारांसोबत शक्तिरप्रदर्शनही केलं आहे. आपल्यासोबत 50 आमदारांचा पाठिंबा असल्याचा दावा शिंदे यांनी केला आहे. महाराष्ट्रातल्या ग्रामीण भागातील बहुसंख्य आमदार सध्या शिंदेसोबत गुवाहाटीमध्ये आहेत. जळगाव जिल्ह्यातील पाटोळाचे आमदार चिमणराव पाटील (Chimanrao Patil, Shivsena MLA) हे त्यापैकी एक आहेत. पाटील यांनी 'News18लोकमत' शी थेट गुवाहाटीमधून संवाद साधला. काय म्हणाले पाटील? 'आम्ही कट्टर शिवसैनिक आहोत. पण, राष्ट्रवादी काँग्रेसशी संघर्ष करून आमचं आजवर राजकारण झालं आहे. आम्ही गुवाहाटीमध्ये आलो आहोत, त्याचवेळी आमची भूमिका स्पष्ट झालीय. एकनाथ शिंदे सांगतील ती आमची दिशा आहे', असे पाटील यांनी सांगितले. सूरतमधून पळून आल्याचा आमदार नितीन देशमुख यांचा दावा खोटा आहे. आमच्याकडे पुरेसं संख्याबळ असून परत कधी यायचं हे आमचे नेते ठरवतील. आम्हाला प्रसारमाध्यमांशी न बोलण्याच्या सूचना देण्यात आल्या आहेत, असं सांगत पाटील यांनी अधिक माहिती देण्यास नकार दिला आहे. महाराष्ट्रात सत्ता स्थापनेसाठी १४४ हा स्पष्ट बहुमताचा आकडा आहे...शिवसेना नेते एकनाथ शिंदे यांचे समर्थक ५० आमदार आणि भाजपचे समर्थक ११४ आमदार असे मिळुन १६४ आमदारांचे बहुमत विधान सभेत सिद्ध करून राज्यात भाजप+शिवसेना ( शिंदे गट ) असे सरकार स्थापन करण्यासाठी राजकीय घडामोडी सुरू झाल्या आहेत. तर दुसरिकडं मुख्यमंत्र्यांचे सरकारी निवासस्थान असलेल्या वर्षा बंगल्यावर शिवसेना आमदरांची बैठक झाली. या बैठकीला 15 आमदार उपस्थित होते. त्याचवेळी एकनाथ शिंदेंसोबत असलेल्या 18 आमदारांचा आमच्याशी संपर्क झाल्याचा दावा शिवसेना नेते विनायक राऊत यांनी केला आहे. शिवसेनेनेच केलं ऑपरेशन लोटस? मुख्यमंत्र्यांच्या संवादानंतर 20 तासांमध्येच यूटर्न का? एकनाथ शिंदे आणि सोबत असलेल्या आमदारांना सर्वात आधी महाराष्ट्रात येऊ द्या ,असंतोष तयार करून आमदार वळवता येतात का ते तपासा आणि तोपर्यंत तांत्रिक मुद्द्यांवर पेच वाढवत न्या, असा सल्ला महाविकास आघाडीचे जनक शरद पवार यांनी दिलाय. त्यानंतर राऊत यांनी शिंदे समर्थक आमदार संपर्कात असल्याचा दावा केल्यानं सत्तासंघर्षाला नवं वळण मिळालं आहे.
Published by:Onkar Danke
First published:

Tags: Eknath Shinde, Shivsena

पुढील बातम्या