देशभरातील काँग्रेसच्या सत्याग्रह आंदोलनाला नागपूरमध्ये गालबोट! घटनेचा Video आला समोर

तुषार कोहाळे, प्रतिनिधी नागपूर, 26 जुलै : नॅशनल हेराल्ड प्रकरणी काँग्रेसच्या हंगामी अध्यक्षा सोनिया गांधी यांची ईडीने मंगळवारी चौकशी केली. ही चौकशी सुमारे 3 तास चालली. लंच ब्रेकनंतर त्यांची पुन्हा ईडी चौकशी करणार आहे. दुसरीकडे, ईडीच्या या कारवाईविरोधात काँग्रेसने रस्त्यावरून संसदेपर्यंत घेराव घातला. या मुद्द्यावरून काँग्रेसच्या खासदारांनी सभागृहात सरकारला घेरले, तर काँग्रेस नेते आणि कार्यकर्त्यांनी या कारवाईचा निषेध केला. अशाच प्रकारचे आंदोनल महाराष्ट्रातही सुरू आहे. दरम्यान, राज्यभर काँग्रेसचे आंदोलन सुरू असताना नागपूरमध्ये युवक काँग्रेसच्या कार्यकर्त्यांनी या आंदोलनाला गालबोट लावले आहे. देशभर काँग्रेसचे आंदोलन सुरू पक्षाच्या राष्ट्रीय कार्यालयावर काँग्रेस कार्यकर्त्यांनी आणि महिला आघाडीने केंद्र सरकारच्या विरोधात निदर्शने केली. तर तिकडे राहुल गांधी यांच्या नेतृत्वाखाली पक्षाच्या खासदारांनी संसदेपासून विजय चौकापर्यंत मोर्चा काढला. राहुल गांधी खासदारांसह विजय चौकात धरणे धरून बसले. यानंतर दिल्ली पोलिसांनी राहुल गांधी आणि इतर अनेक खासदारांना ताब्यात घेतले. देशभरात सुरू असलेले हे आंदोलन शांततेत सुरू आहे. मात्र, महाराष्ट्रातून या आंदोलनाला गालबोट लागल्याची बातमी समोर आली आहे.

Video : काँग्रेसच्या सत्याग्रह आंदोलनाला नागपूरमध्ये गालबोट! #Congress #Satyagraha #SoniaGandhi pic.twitter.com/x7ndSaOEWz

— News18Lokmat (@News18lokmat) July 26, 2022

नागपूरमध्ये आंदोलनाला गालबोट नागपूरमध्ये आंदोलनादरम्यान एका वाहनाची जाळपोळ करण्यात आली. युवक काँग्रेसचे प्रदेशाध्यक्ष कुणाल राऊत यांच्या नेतृत्वात हे आंदोलन नागपूरच्या जीपीओ चौकात सुरू होते त्यावेळी ही घटना घडली. महत्त्वाचं म्हणजे आंदोलनाची चर्चा घडवून आणण्यासाठी युवक काँग्रेसच्या कार्यकर्त्यांनी भंगार मधून ती कार उचलून आणली व आंदोलन स्थळी पेटवून दिली. त्यामुळे सत्याग्रहाच्या नावावर नागपूरमध्ये युवक काँग्रेसच्या कार्यकर्त्यांनी काँग्रेसचीच प्रतिमा मलीन केल्याची चर्चा सुरू आहे. यासंदर्भात पोलिसांनी कुणाल राऊतसह इतर कार्यकर्त्यांना अटक केली असून या संपूर्ण प्रकरणाची चौकशी सुरू केली आहे, अशी माहिती पोलीस उप आयुक्त संदीप पखाले यांनी दिली आहे. नागपूरच्या जीपीओ चौकामध्ये जळणारी ही कार रस्त्यावरची धावती कार नसून भंगार मधून उचलून आणलेली जुनी कार आहे. त्याला साधं इंजनही नव्हतं. कुणाल राऊत यांनी आपल्या आंदोलनाच्या माध्यमातून स्टंटबाजी करण्याच्या उद्देशाने या कारला काही तासांआधीच रस्त्याच्या कडेवर आणून ठेवली होती. सर्वाचं लक्ष आकर्षित करण्यासाठी कुणाल राऊत यांच्या कार्यकर्त्यांनी त्या कारला ढकलत चौकात आणले. त्यानंतर कारवर ज्वलनशील पदार्थ टाकून कारला पेटवून दिले. अचानक घडलेल्या या प्रकाराबद्दल पोलिसांनाही कोणती कल्पना नव्हती. त्यामुळे काही वेळेसाठी या परिसरात भीतीचे वातावरण पसरले अग्निशमन विभागाने वेळीच पोहोचून जडणाऱ्या या भंगाच्या  कारला विझवले कुणाल राऊत हे माजी ऊर्जामंत्री नितीन राऊत यांचे सुपूत्र आहे. सध्या ते महाराष्ट्र प्रदेश युवक काँग्रेसचे अध्यक्ष आहे. सोनिया गांधी यांच्या विरोधात सुरू असलेल्या ईडीच्या कारवाईचा निषेध म्हणून देशभर, राज्यभर काँग्रेसकडून सत्याग्रह आंदोलन केले जात होते. नागपूरच्या संविधान चौकात सकाळी 11 वाजता पासून मुख्य संपूर्ण राज्यभर अत्यंत शांत प्रिय पद्धतीने सुरू होते. कुणाल राऊत यांच्या या चमकोगिरीच्या कृतीमुळे काँग्रेस पक्षाचे प्रतिमा मलीन झाली आहे. निदान आपल्या सर्वोच्च नेत्या सोनिया गांधी यांच्यासाठी आंदोलन करताना कुणाल राऊत यांनी थोडे तरी तारतम्य बाळगायला हवे होते. त्यामुळे आता काँग्रेस पक्षातूनच याचा निषेध होत असून कोणाला राऊत यांच्यावर कारवाई केली जाईल असे काँग्रेस कडून सांगण्यात येत आहे. भाजपने देखील कुणाला यांच्या या कृतीच्या निषेध केला. या निंदनीय कृतीनंतर पोलिसांनी कुणाल राऊत याला अटक केली. मात्र, कुणाल राऊत यांनी केलेल्या स्टंटबाजीमुळे काँग्रेसची मोठी नाचक्की झाली. त्यामुळे कुणाल राऊत यांनी ही स्टंटबाजी का केली? व कशासाठी केली? याचे उत्तर अजून तरी त्यांनी दिले नाही.