Gold-Silver Rate Today in Nagpur: सोन्याच्या दरात चढ-उतार सुरूच, पाहा आजचे नागपुरातील दर

विशाल देवकर, प्रतिनिधी

नागपूर, 15 मार्च : महाराष्ट्रातील लोकांना सोन्या-चांदीचे चांगलेच आकर्षण आहे. विशेषत: सण, उत्सव, घरगुती समारंभ यानिमित्त महिला वर्ग आवर्जून दागिन्यांची खरेदी करतो. तर गुंतवणुकीचा उत्तम मार्ग म्हणूनही सोने चांदीचा विचार केला जातो. त्यामुळे बदलणाऱ्या दरांवर सर्वांचेच लक्ष असते. आज नागपूर सराफा बाजारातील आजचा सोन्याचा दर 57 हजार 332 रुपये प्रती तोळा आहे. तर चांदीचा दर 66 हजार 380 रुपये प्रति किलो आहे.

सोने 668 रुपयांनी स्वस्त

सध्या विवाहाचे मुहूर्त नसले तरी 29 एप्रिल पासून राज्यात लगीनघाई सुरू होणार आहे. त्यापूर्वीच सोन्या-चांदीचे दर वाढायला सुरुवात झाली आहे. गेल्या 14 दिवसांत सोन्याच्या दरात दीड हजार रुपयांची वाढ झाली. तर 15 व्या दिवशी पुन्हा सोने 668 रुपयांनी स्वस्त झाले. त्यामुळे सोने खरेदी करणाऱ्यांना काहीसा दिलासा मिळाला आहे.

सोन्याच्या दरांत पुन्हा तेजी

राज्यातील सराफा मार्केटमध्ये सोन्या-चांदीचे दर रोज बदलत असतात. विशेषता दिवाळीनंतर सोन्याच्या दरामध्ये वाढ झाली होती. 10 नोव्हेंबरला सोन्याचा दर 52 हजार रुपये होता. त्यानंतर महिनाभराच्या आत दोन हजारांहून अधिकने दर वाढला. 29 जानेवारीला सोन्याचा दर 57 हजार सहाशे रुपये होता. तर एक ते 28 फेब्रुवारी दरम्यान सोन्याच्या दरात जीएसटी वगळून प्रति दहा ग्राम 3 हजार 100, तर चांदीच्या दरात प्रति किलो 6 हजार 100 रुपयांची घट झाली होती. एक मार्चला सोने 56 हजार पाचशे रुपयांवर आले होते तिथून पुढे दरांमध्ये बऱ्यापैकी वाढ दिसून आली. मुख्य म्हणजे 1 मार्च ते 14 मार्च दरम्यान सोन्याच्या दरात 56 हजार 500 वरून 58 हजार रुपयांवर पोहोचला. आता पुन्हा सोन्याच्या दर 668 रुपयांनी घसरला आहे.

Gold-Silver Rate Today in Pune : पुण्यातील सोन्याच्या दरात तेजी कायम, पाहा आजची किंमत

नागपूर सराफा बाजारात दागिन्यांच्या व्हरायटी

आता नागपूरच्या बाजारपेठेत लाईट वेट ज्वेलरी, टिंपल ज्वेलरी तसेच कलर ज्वेलरीमध्ये, रोज गोल्ड, पिंक गोल्ड या दागिन्यांना विशेष मागणी आहे. कारण यामध्ये विविध प्रकार आले आहेत. तसेच महिलांचा आकर्षक आणि कमी वजनाचे दागिने परिधान करण्याकडे जास्त कल असतो. यामध्ये नवीन प्रकार आहेत आकर्षक आहेत. त्यामुळे जास्त मागणी सध्या या दागिन्यांना आहे.

नागपूर शहरातील आजचा सोन्याचा दर

नागपूर शहरातील सोन्याचे दर (10 ग्रॅम)

10 ग्रॅम 24 कॅरेट - 57,332

10 ग्रॅम 22 कॅरेट- 54,100

10 ग्रॅम 20 कॅरेट- 49,900

10 ग्रॅम 18 कॅरेट- 44,170

नागपूर शहरातील सोन्याचे दर (1 ग्रॅम)

1 ग्रॅम 24 कॅरेट - 5,733

1 ग्रॅम 22 कॅरेट- 5,410

10 ग्रॅम 20 कॅरेट- 4,990

1 ग्रॅम 18 कॅरेट-. 4,417

चांदीचे दर

प्रतिकिलो - 66,380

नागपूर शहरातील कालचा सोन्याचा दर

नागपूर शहरातील सोन्याचे दर (10 ग्रॅम)

10 ग्रॅम 24 कॅरेट - 58,000

10 ग्रॅम 22 कॅरेट- 55,100

10 ग्रॅम 20 कॅरेट- 51,900

10 ग्रॅम 18 कॅरेट- 45,300

नागपूर शहरातील सोन्याचे दर (1 ग्रॅम)

1 ग्रॅम 24 कॅरेट - 5,800

1 ग्रॅम 22 कॅरेट- 5,510

10 ग्रॅम 20 कॅरेट- 5,190

1 ग्रॅम 18 कॅरेट- 4,530

चांदीचे दर

प्रतिकिलो - 64,700

टीप : सोन्याच्या पेढ्यांमधील मजुरी, जकात शुल्क, राज्य कर, वाहतूक खर्च, GST या सारख्या वेगवेगळ्या कारणांनुसार सोन्याची किंमत प्रत्येक दुकानामध्ये वेगळी असू शकते. आम्ही शहरातील सर्वसाधरण भाव देत आहोत.