Gold-Silver Rate Today in Nagpur: नागपुरात सोनं स्वस्त की महाग? पाहा किती आहे एका तोळ्याची किंमत

विशाल देवकर, प्रतिनिधी

नागपूर, 27 मार्च : गेल्या काही काळापासून सोन्या-चांदीच्या दरात सातत्याने चढ-उतार होत आहे. सोन्याचे दर आंतरराष्ट्रीय बाजारात ठरत असल्याने त्याचा परिणाम स्थानिक सराफा बाजारातही जाणवतो. नागपूरच्या सराफा बाजारात आज सोने आणि चांदी प्रत्येकी 200 रुपयांनी स्वस्त झाली आहे. रविवारी 24 कॅरेट प्रती तोळा सोन्याचा दर हा 59 हजार 600 रुपये होता. आज तोच दर 59 हजार 400 रुपयांवर आला आहे. तर चांदीचा दर 70 हजार 600 रुपये प्रती किलोवरून आज 70 हजार 400 वर आला आहे.

नागपूर शहरातील आजचे सोन्याचा दर

नागपूर शहरातील सोन्याचे दर (10 ग्रॅम)

10 ग्रॅम 24 कॅरेट - 59,400

10 ग्रॅम 22 कॅरेट- 56,400

10 ग्रॅम 20 कॅरेट- 53,600

10 ग्रॅम 18 कॅरेट- 47,500

नागपूर शहरातील सोन्याचे दर (1 ग्रॅम)

1 ग्रॅम 24 कॅरेट - 5,940

1 ग्रॅम 22 कॅरेट- 5,640

10 ग्रॅम 20 कॅरेट- 5,360

1 ग्रॅम 18 कॅरेट-. 4,750

चांदीचे दर

प्रतिकिलो - 70,400

हॉलमार्क असलेले दागिनेच ठरणार वैध

1 एप्रिल 2023 पासून हॉलमार्क असलेले दागिनेच वैध ठरणार आहेत. हॉलमार्क हे अधिकृत चिन्ह असून ते धातूपासून बनवलेल्या वस्तूंवर मारले जाते. यापुढे हॉलमार्क असेल तरच दागिने वैध ठरणार असल्याने खरेदी करताना विचार करावा लागणार आहे. व्यापाऱ्यांनी शासनाने हॉलमार्क संबंधी दिलेल्या सूचनांचे पालक केले नाही तर कारवाई करण्यात येणार आहे. सराफा व्यापाऱ्यांना एक एप्रिल 2023 पासून सहा अंकांचे एचयुआयडी असलेले सोन्याचे दागिने विकता येणार आहेत.

दीर्घ गुंतवणुकीसाठी करा सोन्याची खरेदी, पाहा किती आहे नाशिकमधील आजचा भाव

नागपूर सराफा बाजारात व्हरायटी

आता नागपूरच्या बाजारपेठेत लाईट वेट ज्वेलरी, टिंपल ज्वेलरी तसेच कलर ज्वेलरीमध्ये, रोज गोल्ड, पिंक गोल्ड या दागिन्यांना विशेष मागणी आहे. कारण यामध्ये विविध प्रकार आले आहेत. तसेच महिलांचा आकर्षक आणि कमी वजनाचे दागिने परिधान करण्याकडे जास्त कल असतो.

(टीप : सोन्याच्या पेढ्यांमधील मजुरी, जकात शुल्क, राज्य कर, वाहतूक खर्च, GST या सारख्या वेगवेगळ्या कारणांनुसार सोन्याची किंमत प्रत्येक दुकानामध्ये वेगळी असू शकते. आम्ही शहरातील सर्वसाधरण भाव देत आहोत.)