Gold-Silver Rate Today in Nagpur: सोनं खरेदी करणाऱ्यांना दिलासा, पाहा आजचे नागपुरातील दर

विशाल देवकर, प्रतिनिधी

नागपूर, 20 मार्च : मराठी नववर्षारंभ अर्थात गुढी पाडवा अवघ्या काही दिवसांवर येऊन ठेपलेला आहे. गुढी पाडव्याच्या मुहूर्तावर अनेकजण सोनं खरेदी करत असतात. मात्र सोन्या चांदीचे दिवसागणिक भाव वाढतच आहेत. अशातच सोने चांदी खरेदी करू इच्छिणारांसाठी काहीशी दिलासादायी बातमी आहे. आज सोन्याच्या किंमतीत काही अंशी घसरण झाली आहे. नागपूर सराफा बाजारात सोनं 400 रुपयांनी उतरलं असून आजचा सोन्याचा दर 59 हजार 700 रुपयांवर आहे. तर चांदीच्या दरात 100 रुपयांची वाढ झाली असून चांदी 69 हजार 200 रुपये प्रति किलो आहे.

चार महिन्यांत 8 हजारांनी वाढलं सोनं

राज्यातील सराफा मार्केटमध्ये सोन्या-चांदीचे दर रोज बदलत असतात. 10 नोव्हेंबरला सोन्याचा दर 52 हजार रुपये होता. त्यानंतर चार महिन्यात सोने 8 हजार रुपयांनी महाग झाले आहे. आज सोन्याच्या दरात तब्बल 1,500 रुपयांची वाढ झाली आहे. त्यामुळे गुढीपाडव्याच्या मुहूर्तावर सोन्या चांदीचे दर वाढल्याने ग्राहकांची निराशा झाल्याचे चित्र आहे.

हॉलमार्क असलेले दागिनेच ठरणार वैध

एक एप्रिल 2023 पासून हॉलमार्क असलेले दागिनेच वैध ठरणार आहेत. हॉलमार्क हे अधिकृत चिन्ह असून ते धातूपासून बनवलेल्या वस्तूंवर मारले जाते. यापुढे हॉलमार्क असेल तरच दागिने वैध ठरणार असल्याने खरेदी करताना विचार करावा लागणार आहे. व्यापाऱ्यांनी शासनाने हॉलमार्क संबंधी दिलेल्या सूचनांचे पालक केले नाही तर कारवाई करण्यात येणार आहे. सराफा व्यापाऱ्यांना एक एप्रिल 2023 पासून सहा अंकांचे एचयुआयडी असलेले सोन्याचे दागिने विकता येणार आहेत.

गुढीपाडव्याला बायकोला सोनं घेताय सावधान! तुमचीही होऊ शकते फसवणूक

चार अंकी एचयुआयडी क्रमांकाच्या दागिन्यांवर बंदी

सध्या बाजारात चार अंकाच्या एचयुआयडी क्रमांकाच्या गोल्ड ज्वेलरीच्या विक्रीवर प्रतिबंध येणार आहे. सरकारने लावलेला हा निर्णय ग्राहकांच्या हिताचा आहे ,अशी भावना सराफा व्यापाऱ्यांची असली तरी बऱ्याच व्यापाऱ्यांकडे दोन ते तीन वर्षे जुने दागिने आहेत. या दागिन्यांसंबंधी माहिती बीआयएस पोर्टलवर अपलोड करण्यात अडचणी येत असल्याचे सराफा व्यावसायिकांचे मत आहे.

नागपूर शहरातील आजचा सोन्याचा दर

नागपूर शहरातील सोन्याचे दर (10 ग्रॅम)

10 ग्रॅम 24 कॅरेट - 59,700

10 ग्रॅम 22 कॅरेट- 56,700

10 ग्रॅम 20 कॅरेट- 53,850

10 ग्रॅम 18 कॅरेट- 47,800

नागपूर शहरातील सोन्याचे दर (1 ग्रॅम)

1 ग्रॅम 24 कॅरेट - 5,970

1 ग्रॅम 22 कॅरेट- 5,670

10 ग्रॅम 20 कॅरेट- 5,385

1 ग्रॅम 18 कॅरेट-. 4,780

चांदीचे दर

प्रतिकिलो - 69,200

नागपूर सराफा बाजारात व्हरायटी.

आता नागपूरच्या बाजारपेठेत लाईट वेट ज्वेलरी, टिंपल ज्वेलरी तसेच कलर ज्वेलरीमध्ये, रोज गोल्ड, पिंक गोल्ड या दागिन्यांना विशेष मागणी आहे. कारण यामध्ये विविध प्रकार आले आहेत. तसेच महिलांचा आकर्षक आणि कमी वजनाचे दागिने परिधान करण्याकडे जास्त कल असतो. यामध्ये नवीन प्रकार आहेत आकर्षक आहेत. त्यामुळे जास्त मागणी सध्या या दागिन्यांना आहे.तसेच सध्या होलमार्क असलेल्या दागिन्यांना अधिक मागणी आहे, अशी माहिती पंकज चंबोळे यांनी दिली.

टीप : सोन्याच्या पेढ्यांमधील मजुरी, जकात शुल्क, राज्य कर, वाहतूक खर्च, GST या सारख्या वेगवेगळ्या कारणांनुसार सोन्याची किंमत प्रत्येक दुकानामध्ये वेगळी असू शकते. आम्ही शहरातील सर्वसाधरण भाव देत आहोत.