Gold-Silver Rate Today in Nagpur : नागपूर सराफा बाजारात कशी झाली आठवड्याची सुरूवात? पाहा आजचे दर

विशाल देवकर, प्रतिनिधी

नागपूर, 13 मार्च : महाराष्ट्रातील लोकांना सोन्या-चांदीचे चांगलेच आकर्षण आहे. विशेषत: सण, उत्सव, घरगुती समारंभ यानिमित्त महिला वर्ग आवर्जून दागिन्यांची खरेदी करतो. तर गुंतवणुकीचा उत्तम मार्ग म्हणूनही सोने चांदीचा विचार केला जातो. त्यामुळे बदलणाऱ्या दरांवर सर्वांचेच लक्ष असते. आज आठवड्याच्या सुरुवातीला नागपूरमधील सराफा बाजारात काहीशी तेजी दिसत आहे. आजचा सोन्याचा दर 57 हजार 300 रुपये प्रती तोळा आहे. तर चांदीच्या दरात वाढ होऊन आजचा दर 65 हजार रुपये प्रति किलो आहे.

सोन्याच्या दरात पुन्हा वाढ

राज्यातील सराफा मार्केटमध्ये आंतरराष्ट्रीय बाजाराप्रमाणेच सोन्या-चांदीचे दर रोज बदलत असतात. केंद्रीय अर्थसंकल्पानंतर सोन्याच्या दराने तब्बल 59,300 रुपये तर चांदीने 72,500 रुपयांची विक्रमी पातळी गाठली होती. परंतु आंतरराष्ट्रीय घडामोडींमुळे वाढलेल्या सोन्या-चांदीच्या दरात घसरण होताना दिसत होती. गेल्या महिनाभरात जवळपास 4 हजारांनी सोने स्वस्त झाले. पण या आठवड्याच्या सुरवातीलाच सोन्याचे दर वाढले आहेत.

नागपूर सराफा बाजारात दागिन्यांच्या व्हरायटी

आता बाजारपेठेत लाईट वेट ज्वेलरी, टिंपल ज्वेलरी तसेच कलर ज्वेलरीमध्ये, रोज गोल्ड, पिंक गोल्ड या दागिन्यांना विशेष मागणी आहे. कारण यामध्ये विविध प्रकार आले आहेत. तसेच महिलांचा आकर्षक आणि कमी वजनाचे दागिने परिधान करण्याकडे जास्त कल असतो. यामध्ये नवीन प्रकार आहेत आकर्षक आहेत. त्यामुळे जास्त मागणी सध्या या दागिन्यांना आहे.

Gold-Silver Rate Today in Pune : पुणेकरांचा खिसा आणखी होणार रिकामा, पाहा सोन्याचे आजचे दर

नागपूर शहरातील कालचे सोन्या-चांदीचे दर.

नागपूर शहरातील सोन्याचे दर (10 ग्रॅम)

10 ग्रॅम 24 कॅरेट - 57,300

10 ग्रॅम 22 कॅरेट- 54,300

10 ग्रॅम 20 कॅरेट- 49,200

10 ग्रॅम 18 कॅरेट- 46,400

नागपूर शहरातील सोन्याचे दर (1 ग्रॅम)

1 ग्रॅम 24 कॅरेट - 5,730

1 ग्रॅम 22 कॅरेट- 5,430

10 ग्रॅम 20 कॅरेट- 4,920

1 ग्रॅम 18 कॅरेट- 4,640

चांदीचे दर

प्रतिकिलो - 65,000

टीप : सोन्याच्या पेढ्यांमधील मजुरी, जकात शुल्क, राज्य कर, वाहतूक खर्च, GST या सारख्या वेगवेगळ्या कारणांनुसार सोन्याची किंमत प्रत्येक दुकानामध्ये वेगळी असू शकते. आम्ही शहरातील सर्वसाधरण भाव देत आहोत.