Home /News /maharashtra /

गँगस्टर एजाज लकडावालाच्या साथीदाराला अटक, खंडणीविरोधी पथकाची कारवाई

गँगस्टर एजाज लकडावालाच्या साथीदाराला अटक, खंडणीविरोधी पथकाची कारवाई

एका व्यापाऱ्याकडून 1 कोटी रुपयांची खंडणी मागितल्याप्रकरणी नदीम याला अटक करण्यात आली आहे.

    मुंबई,1 मार्च: मुंबई पोलिसांच्या खंडणीविरोधी पथकानं गँगस्टर एजाज लकडावाला याच्या जवळच्या साथीदाराला अटक केली आहे. नदीम लकडावाला असं आरोपीचं नाव आहे. एका व्यापाऱ्याकडून 1 कोटी रुपयांची खंडणी मागितल्याप्रकरणी नदीम याला अटक करण्यात आली आहे. एजाज लकडावाला सध्या पोलिसांच्या ताब्यात आहे. त्याच्या चौकशीदरम्यान नदीम याचं नाव समोर आलं होतं. नंतर मुंबई पोलिसांच्या खंडणीविरोधी पथकानं ही कारवाई केली आहे. हेही वाचा..बंगालमध्ये अमित शाह म्हणाले, खबरदार! भारतावर हल्ला कराल तर घरात घुसून मारू याबाबत मिळालेली माहिती अशी की, पोलिसांनी नदीम लकडावाला याला शनिवारी मुंबई एअरपोर्टवर अटक केली. रविवार त्याला कोर्टात हजर केले असता त्याला 3 मार्चपर्यंत पोलिस कोठडी सुनावण्यात आली आहे. दरम्यान, मुंबई पोलिसांनी गेल्या आठवड्यात मोस्ट वाँटेड गँगस्टर एजाज लकडावाला याच्या मुसक्या आवळल्या होत्या. बिहारचा राजधानी पाटणा येथे एजाजला अटक करण्यात आली होती. नंतर त्याला मुंबईत आणण्यात आले होते. एजाज लकडावाला याच्याविरुद्ध मुंबईसह दिल्लीत जवळपास 25 गुन्हे दाखल आहेत. बेकायदा वसुली, हत्या आणि खंडणीच्या खटल्यांचा समावेश आहे. हेही वाचा.. 'सामना' रंगण्याआधी अमृता फडणवीस यांचं ट्वीट, रश्मी ठाकरेंचं केलं अभिनंदन गँगस्टर एजाज लकडावाला याच्या अटकेवर ज्वाईंट कमिश्नर संतोष रस्तोगी यांनी सांगितले होते की, त्याची मुलगी पोलिसांच्या ताब्यात होती. तिने चौकशीत सांगितले होते की, एजाज लकडावाला पाटणा येथे येणार आहे. तिने दिलेल्या माहितीनुसार सापळा रचून बिहारमधील जट्टनपुर पोलिस स्टेशनच्या हद्दीत एजाज याला अटक करण्यात आली. गँगस्टर एजाज लकडावाला याला अंडरवर्ल्ड डॉन दाऊद इब्राहिम याचा निकटवर्तीय मानले जाते.
    Published by:Sandip Parolekar
    First published:

    पुढील बातम्या