17:29 (IST)
मध्य रेल्वे : ठाणे-सीएसएमटी अप-डाउन लोकल वाहतूक सुरू
- Home »
- News »
- maharashtra »
- #MumbaiRainlive : पुढचे 48 तास मुसळधार पावसाचे, वेधशाळेचा अंदाज
#MumbaiRainlive : पुढचे 48 तास मुसळधार पावसाचे, वेधशाळेचा अंदाज
आज दिवसभरातील सर्वात महत्त्वाचे LIVE अपडेट...
हाइलाइट्स
17:27 (IST)
मध्य आणि हार्बर रेल्वेमार्गावरील वाहतूक हळूहळू पूर्वपदावर
16:37 (IST)
मुंबई : हिंदमाता, सायन किंग्स सर्कलमधलं पाणी ओसरलं.
16:24 (IST)
मुंबई : मिठी नदी ओव्हरफ्लो झाल्याने मध्य रेल्वे ठप्प, 1600 लोकांना सुरक्षित ठिकाणी हलवण्यात आलं, सोमवारी (1 जुलै) रात्रीपासून मुंबईत 53 ठिकाणी पाणी साचलं.
15:5 (IST)
मालाड दुर्घटनेमध्ये अडकलेल्या मुलीपर्यंत अग्निशमन अधिकारी पोहोचले आहेत. पण ढिगाऱ्याखालून मुलीला बाहेर काढण्यात अडथळे येत असल्याची माहिती देण्यात आली. यावर उपाय म्हणून मुलीपर्यंत उपचार पोहोचवण्याची सोय करण्यात आली आहे. डॉक्टरांच्या मदतीने ढिगाऱ्याखाली अडकलेल्या मुलीपर्यंत ऑक्सिजन पोहोचवण्यात आलं आहे.
14:3 (IST)
सीएसटीवरून कर्जत कसाऱ्याकडे विशेष 3 गाड्या सोडल्या...
14:0 (IST)
'माणसं किड्याप्रमाणे मरत असतील तर हे सरकारचे अपयश', पाहा अजित पवार UNCUT VIDEO
13:58 (IST)
गेले काही दिवस मुंबईत सतत पडणाऱ्या मुसळधार पावसामुळे मुंबईतल्या तलावांमध्येही पाण्याच्या पातळीत वाढ होत आहे. मुंबईतील पवई तलाव भरून वाहू लागलं आहे. पवई तलावाचे पाणी पिण्यासाठी वापरलं जात नाही. मात्र, पवई तलाव भरून वाहू लागल्यामुळे मिठी नदीच्या पाण्याच्या पातळीत वाढ होणार आहे.
13:42 (IST)
मुलुंडमध्ये वाल्मिकी नगर भागात भिंत कोसळली. मुंलुंड कॉलनीमध्ये हा प्रकार घडला आहे. अग्निशमन दल घटनास्थळी दाखल झालं आहे.
मुंबई, 02 जुलै : शनिवारपासून सुरू असलेला मुसळधार पाऊस अद्यापही थांबण्याचं नाव घेत नाही आहे. त्यामुळे अनेक महत्त्वाच्या शहरांमध्ये पाणी साचलं आहे.संपूर्ण मुंबईची तुंबई झाली आहे. तर अनेक ठिकाणी मोठे अपघात होत जीवितहानी झाली आहे. राज्य सरकारने मुंबई शहर, उपनगर आणि ठाण्यातील सगळ्या शाळांना सुट्टी देण्यात आली आहे. तर खासगी आणि सरकारी कार्यालयातही सुट्टी जाहीर करण्यात आली आहे. पावसाचे संपूर्ण महत्त्वाचे अपडेट...
