EXCLUSIVE PHOTO: शिवतिर्थावर बारसं..! राज ठाकरेंच्या नातवाचं ठेवलं 'हे' नाव

अमित ठाकरे आणि मिताली ठाकरे यांना नुकतंच पुत्ररत्नाचा लाभ झाला. आज या चिमुकल्याचं नाव ठेवण्यात आलं आहे.

News18 Lokmat
Last Updated : May 06, 2022, 12:58 IST

मुंबई, 06 मे: काही दिवसांपूर्वीच महाराष्ट्र नवनिर्माण सेनेचे अध्यक्ष राज ठाकरे यांच्या घरी एका नव्या पाहुण्याचं आगमन झालं आहे. आज या नव्या पाहुण्याचा नामकरण सोहळ्याचा कार्यक्रम पार पडला. अमित ठाकरे आणि मिताली ठाकरे यांना नुकतंच पुत्ररत्नाचा लाभ झाला. आज या चिमुकल्याचं नाव ठेवण्यात आलं आहे. मनसे अध्यक्ष राज ठाकरे यांच्या नातवाचे नाव किआन असे ठेवण्यात आलं आहे. या सोहळ्यासाठी केवळ घरातीलच लोकांना आमंत्रित करण्यात आलं होतं.

अमित ठाकरेंनी मुलाचा फोटो केला शेअर

काही दिवसांपूर्वी अमित ठाकरे यांनी आपल्या बाळाचा पहिला फोटो फेसबुकवर शेअर केला. अमित-मिताली (Amit Thackeray and Mitali Thackeray Blessed with Baby Boy) यांना पूत्ररत्न झाले आहे. यामुळे आता राज ठाकरे यांच्यावर 'आजोबा' अशी नवी जबाबदारी असणार आहे. शिवतीर्थावरावर नव्या पाहुण्याचे आगमन झाल्याने ठाकरे कुटुंबीयांचा आनंद गगनात मावेनासा झाला आहे. मुंबईतच राज ठाकरे यांच्या नातवाचा जन्म झाला आहे, कारण मिताली यांचे सासर आणि माहेर दोन्हीही मुंबईतच आहे. अमित ठाकरे आणि मिताली बोरुडे यांचे 2019 साली लग्न झाले होते. त्या दरम्यानच अमित ठाकरे राजकारणात सक्रिय झाले होते. या लग्नसोहळ्यात प्रतिष्ठित नेते, ज्येष्ठ राजकीय मंडळी आणि याशिवाय बॉलिवूड-मराठी सिनेसृष्टीतील कलाकारांनी उपस्थिती दर्शवली होती. आता अमित ठाकरे यांना एक वडील म्हणून तर राज ठाकरे यांना आजोबा म्हणून नवी जबाबदारी सांभाळावी लागणार आहे.

तुमच्या शहरातून (महाराष्ट्र)

महाराष्ट्र

Published by:Pooja Vichare

First published: May 06, 2022, 12:53 IST

मराठी बातम्या, ब्रेकिंग न्यूज मराठीत सर्वात आधी News18 लोकमतवर. आजच्या ताज्या बातम्या, लाइव्ह न्यूज अपडेट, सर्वात आधी वाचा विश्वासार्ह मराठी न्यूज वेबसाइट News18 लोकमतवर.

Tags: MNS, Raj Thackeray (Politician)

महाराष्ट्र

आपला जिल्हा निवडा