बाळा नांदगावकरांनी मुख्यमंत्र्यांवर केलेल्या प्रखर टीकेला या नेत्यानं दिलं सडेतोड उत्तर

मालेगाव, 16 ऑक्टोबर: अतिवृष्टीमुळे ठिकठिकाणी झालेल्या नुकसानी नंतर मनसेचे नेते बाळा नांदगावकर (MNS Leader Bala Nandgaonkar) यांनी मुख्यमंत्री उद्धव ठाकरे (CM Udhav thackeray)यांनी प्रखर टीका केली. मुख्यमंत्रीजी घर सोडा आणि बाहेर पडा. आम्ही तुमच्यावर थेट टीका करण्याचे टाळत आलो पण आता शेतकऱ्यांचे अतिवृष्टीमुळे झालेले हाल ऑनलाइन बघता येणार नाहीत. थेट बांधावर जाऊन ते अश्रू पुसा व त्यांना त्वरित आर्थिक मदत द्या, अन्यथा लोकांचा 'ठाकरे' नावावरील विश्वास उडेल., असं ट्वीट बाळा नांदगावकर यांनी केलं होतं. हेही वाचा...सरकारच्या उक्ती आणि कृतीमध्ये फरक, प्रवीण दरेकर यांचा मुख्यमंत्र्यांवर पलटवार बाळा नांदगावकर यांच्या या टीकेला राज्याचे कृषिमंत्री आणि शिवसेनेचे ज्येष्ठ नेते दादा भुसे यांनी दिले उत्तर दिलं आहे. मुख्यमंत्री उद्धव ठाकरे यांच्या आदेशानुसार, मी राज्यभर दौरे करून शेतकऱ्यांच्या व्यथा व समस्या जाणून घेतल्या. एक ते दीड महिन्याच्या कालावधीत कृषी विभाग आणि शेतकऱ्यांच्या संदर्भात मुख्यमंत्रांनी 6 वेळा बैठका घेतल्या आहेत, अशा शब्दांत दादा भुसे यांनी बाळा नांदगावकर यांना उत्तर दिलं आहे.

मुख्यमंत्रीजी घर सोडा आणि बाहेर पडा, आम्ही तुमच्यावर थेट टीका करण्याचे टाळत आलो पण आता शेतकऱ्यांचे अतिवृष्टी मुळे झालेले हाल "online" बघता येणार नाही, थेट बांधावर जाऊन ते अश्रू पुसा व त्यांना त्वरित आर्थिक मदत दया, अन्यथा लोकांचा "ठाकरे"नावावरील विश्वास उडेल.

— Bala Nandgaonkar (@BalaNandgaonkar) October 15, 2020

दरम्यान, परतीच्या पावसानं राज्याला दिलेल्या तडाख्यामुळं शेतकऱ्यांचं मोठं नुकसान झालं आहे. उभी पिके आडवी झाली आहेत. त्यामुळं शेतकरी हवालदिल झाला आहे. सरकारकडे मदतीची विनवणी करत आहे. या पार्श्वभूमीवर मनसेने मुख्यमंत्री उद्धव ठाकरे यांना घराबाहेर पडण्याचं आवाहन केलं आहे. हेही वाचा..'खिसे गरम' करायचं गणित तुम्हाला थोडी स्वस्थ बसू देईल, चित्रा वाघ यांचा टोला बाळा नांदगावकर यांनी जालना जिल्ह्यातील अशाच एका शेतकऱ्याचा व्हिडिओ ट्वीट केला आहे. व्हिडिओमध्ये पाण्यानं भरलेलं शेत दिसत आहे. त्यात पिके वाहून गेली आहेत. सगळी मेहनत पाण्यात गेल्याचं पाहून हादरलेला येथील शेतकरी चिखलात लोळताना दिसत आहे.