Elec-widget

चिंतन करताहेत पंकजा मुंडे.. मामा म्हणाले, 'तो' विचार त्या कधीही करू शकत नाही!

चिंतन करताहेत पंकजा मुंडे.. मामा म्हणाले, 'तो' विचार त्या कधीही करू शकत नाही!

'फेसबुक पोस्ट'चा मीडियाने वाटेल तसा अर्थ लावला.

  • Share this:

सिद्धार्थ गोदाम,(प्रतिनिधी)

औरंगाबाद,2 डिसेंबर: पंकजा मुंडे या कधीही भाजप सोडण्याचा विचार करू शकत नाही. त्यांचे वडील गोपीनाथ मुंढे यांनी भाजप वाढवला, याचे भान त्यांना आहे. स्वतःशी चिंतन करणे कधीही चांगले असते. तेच त्या करत आहेत. त्यांच्या 'फेसबुक पोस्ट'चा मीडियाने वाटेल तसा अर्थ लावला. तशा ते बातम्याही करू शकतात, असे मत पंकजा मुंडे यांचे मामा प्रकाश महाजन यांनी व्यक्त केले आहे.

पंकजा मुंडे वडिलांच्या जन्मदिनी ठरवणार पुढील 'रणनीती'

भाजप नेत्या पंकजा मुंडे यांनी रविवारी सकाळी एक फेसबुक पोस्ट केली. पुढे काय करायचं? कोणत्या मार्गाने जायचं? याबाबत येत्या 12 डिसेंबरला म्हणजेच दिवंगत गोपीनाथ मुंडे यांच्या जन्मदिनी ठरवणार असल्याचे पंकजा मुंडे यांनी आपल्या फेसबुक पोस्टच्या माध्यमातून सांगितले. पंकजांची फेसबुक पोस्टसध्या सोशल मीडियावर प्रचंड व्हायरल झाली आहे. दुसरीकडे, पंकजांच्या फेसबूक पोस्टमुळे राजकीय चर्चांना उधाण आले आहे. पंकजा 12 डिसेंबरला कोणता राजकीय भूकंप करतात, काय बोलतात, याकडे सगळ्यांचे लक्ष लागले आहे.

Loading...

दरम्यान, विधानसभा निवडणुकीत पंकजा यांना परळी मतदारसंघातून पराभवाचा सामना करावा लागला होता. त्यानंतर राज्यात सत्तास्थापनेवरून उभ्या राहिलेल्या पेचात भाजप-शिवसेनेत काडीमोड झाला. नंतर शिवसेनेने राष्ट्रवादी आणि काँग्रेसच्या पाठिंब्यावर सत्ता स्थापन केली. शिवसेना पक्षप्रमुख उद्धव ठाकरे यांनी मुख्यमंत्रिपदाची शपथ घेतली. त्यामुळे आता पंकजा मुंडे यांची पुढची रणनीती काय? त्या कोणत्या मार्गाने जाणार आहेत, हे 12 डिसेंबरला वडील गोपीनाथ मुंडे यांच्या जन्मदिनी जाहीर करणार आहे.

''नमस्कार मी पंकजा गोपीनाथ मुंडे...

निवडणुका झाल्या निवडणुकीचे निकाल ही लागले. निकालानंतर राजकीय घडामोडी, कोअर कमिटीच्या बैठका, पक्षाच्या बैठका, हे सर्व आपण सर्वजण पहात होता. पराभव झाल्यानंतर काही क्षणातच माध्यमांसमोर जाऊन मी तो स्वीकारला. आणि विनंती केली की कुणीही याची जबाबदारी कुणावरही टाकू नये. सर्व जवाबदारी माझी आहे.

दुसऱ्याच दिवशी पार्टीच्या कोअर कमिटीच्या बैठकीस मी हजरही झाले.'आधी देश,नंतर पार्टी आणि शेवटी स्वत:' हे संस्कार आमच्यावर लहानपणापासून झालेले आहेत. जनतेप्रती आपल्या कर्तव्यापेक्षा मोठं काहीही नसतं असं मुंडेसाहेबांनी लहानपणापासून शिकवलेलं आहे. त्यांच्या शिकवणी नुसार त्यांच्या मृत्युनंतर अगदी तिसऱ्याच दिवशी मी कामाला लागले.

पाच वर्षे सत्तेच्या माध्यमातून तुमची सेवा केली. मला ही सेवेची संधी केवळ आणि केवळ तुमच्या विश्वासामुळे मिळाली आणि आज पराभवानंतर माझ्याहीपेक्षा व्यथित माझ्या लोकांनी मला इतके मेसेजेस केले, इतके फोन केले, इतके निरोप दिले. "ताई आम्हाला भेटायला वेळ द्या," .."ताई आम्हाला तुम्हाला बघून तरी जाऊ द्या "...किती संवेदना तुम्ही माझ्यासाठी व्यक्त केली .

मी तुम्हा सर्वांची खुप खुप आभारी आहे. मला याची पुर्ण जाणीव आहे की तुमचं प्रेम हे माझ्यावर आहे आणि तेच माझं कवचकुंडल आहे. मुंडेसाहेबांनी एका क्षणात मला राजकारणात आणलं. एका क्षणात ते आपल्यातून निघूनही गेले. पहील्यांदा मुंडेसाहेबांचा आदेश म्हणून मी राजकारणात आले आणि नंतर मुंडेसाहेबांच्या पश्चात जनते प्रती असलेल्या जवाबदारी म्हणुन राजकारणात राहीले. आज राजकारणामध्ये झालेले बदल, जबाबदारीत झालेले बदल या सगळ्या बदलत्या संदर्भांचा विचार करुन आपला सर्वांचा पुढचा प्रवास ठरवण्याची आवश्यकता आहे.

आपण मला वेळ मागत आहात.. मी आपल्याला वेळ देणार आहे...

आठ ते दहा दिवसांनंतर...हे आठ-दहा दिवस मला थोडासा स्वत:शी संवाद साधण्यासाठी वेळ हवाय. पुढे काय करायचं? कोणत्या मार्गाने जायचं? आपल्या लोकांना आपण काय देऊ शकतो? आपली शक्ती काय? लोकांची अपेक्षा काय? या सगळ्या गोष्टींचा सर्वांगाने विचार करुनच मी 12 डिसेंबर रोजी आपल्या समोर येणार आहे.

12 डिसेंबर,लोकनेते मुंडे साहेबांचा हा जन्मदिवस...त्या दिवशी बोलेन तुमच्याशी मनसोक्त...जसं तुम्हाला माझ्याशी बोलावं वाटतं, बघावं वाटतं.. तसं मलाही तुम्हाला बोलावं वाटतं. मी महाराष्ट्राच्या लोकांच्या विषयी बोलतेय ...तुमच्याशी संवाद ही उत्सुकता माझ्या मनात आहे..नाहीतरी कोणाशी बोलणार आहे मी? तुमच्याशिवाय माझं कोण आहे?

12 डिसेंबरला आपल्या गोपीनाथगडावर भेटू !!''

बातम्यांच्या अपडेटसाठी लाईक करा आमच्या फेसबुक पेजला आणि टि्वटरवर फाॅलो करा

First Published: Dec 2, 2019 05:28 PM IST
Loading...

ताज्या बातम्या

Loading...