हर्षवर्धन जाधवांना उद्धव ठाकरेंवरील 'ती' टीका आली अंगलट, गुन्हा दाखल

हर्षवर्धन जाधवांना उद्धव ठाकरेंवरील 'ती' टीका आली अंगलट, गुन्हा दाखल

हर्षवर्धन जाधव यांनी तीन दिवसांपूर्वी एका प्रचारसभेत उद्धव ठाकरेंवर टीका करताना अत्यंत खालच्या पातळीची भाषा वापरली होती

  • Share this:

औरंगाबाद,18 ऑक्टोबर: कन्नड मतदारसंघातील अपक्ष उमेदवार हर्षवर्धन जाधव यांच्या विरोधात कन्नड पोलिस ठाण्यांमध्ये आचारसंहिता भंगाचा गुन्हा दाखल करण्यात आला आहे. शिवसेना पक्षप्रमुख उद्धव ठाकरे यांच्याबाबत केलेले आक्षेपार्ह वक्तव्य आता हर्षवर्धन जाधव यांच्या अंगलट आले आहे. हर्षवर्धन जाधवांच्या त्या कथित वक्तव्याप्रकरणी निवडणूक निर्णय अधिकाऱ्यांनी दिलेल्या निर्देशानुसार आदर्श आचारसंहिता प्रमुखांकडे तक्रार करण्यात आली आहे. आचारसंहिता पथकप्रमुख राममहेंद्र डोंगरदिवे यांच्या फिर्यादीवरून भादंवि कलम 188 प्रमाणे पोलिसांत गुन्हा दाखल करण्यात आला आहे.

उद्धव ठाकरेंवर अत्यंत खालच्या पातळीची टीका..

हर्षवर्धन जाधव यांनी तीन दिवसांपूर्वी एका प्रचारसभेत उद्धव ठाकरेंवर टीका करताना अत्यंत खालच्या पातळीची भाषा वापरली होती. तेव्हापासून ते शिवसैनिकांच्या रडारवरही आले आहेत. नगरसेवक राज वैद्य यांनी दिलेल्या तक्रारीवरून हर्षवर्धन जाधव यांच्याविरूद्ध औरंगाबादेतील पुंडलिकनगर पोलिस स्टेशनमध्ये तक्रार दाखल करण्यात आली आहे.

'जय भवानी, जय शिवाजी'च्या घोषणा देत जाधवांच्या घरावर हल्ला

दोन दिवसांपूर्वी काही अज्ञातांकडून हर्षवर्धन जाधव यांच्या घरावर हल्ला करण्यात आला होता. समर्थनगर भागातील हर्षवर्धन जाधव यांच्या घरावर बुधवारी रात्री 1 च्या सुमारास हल्ला झाला होता. चार अज्ञातांनी घरावर आणि गाड्यांवर दगडफेक केली. हल्लेखोर 'जय भवानी, जय शिवाजी'च्या घोषणा देत होते. त्यावरून शिवसैनिकांनी हा हल्ला केल्याचा प्राथमिक संशय व्यक्त करण्यात आला आहे.

दरम्यान, या हल्ल्यात हर्षवर्धन जाधव यांच्या गाड्यांचे मोठे नुकसान झाले आहे. हा हल्ला झाला तेव्हा हर्षवर्धन जाधव हे घरी नसून प्रचारासाठी कन्नडला होते. त्यामुळे हर्षवर्धन जाधव हे घरात नसताना कोणी हल्ला केला याबद्दल आता पोलीस तपास करत आहेत.

हर्षवर्धन हे भाजप नेत्याचे जावई

शिवस्वराज्य पक्षाचे नेते हर्षवर्धन जाधव हे भाजपचे नेते आणि केंद्रीय मंत्री रावसाहेब दानवे यांचे जावई आहेत. हर्षवर्धन जाधव यांच्या पत्नी रंजना जाधव यांनी दिली आहे. तर माझे पती जे काही बोलले ते स्टेजवर जनतेसमोर बोलले आहेत. त्यामुळे तुमच्यात हिम्मत असेल तर समोर येऊन काय करायचं आहे ते करा, अशी प्रतिक्रिया रंजना जाधव यांनी दिली आहे. हर्षवर्धन जाधव यांनी औरंगाबादमध्ये लोकसभेची निवडणूक लढवली. शिवसेनेचे उमेदवार चंद्रकांत खैरे आणि हर्षवर्धन जाधव यांच्यातल्या लढतीमुळे लोकसभा निवडणूक चुरशीची ठरली होती. मात्र, यांच्या भांडणात एमआयएमचे नेते इम्तियाज जलील यांनी बाजी मारली होती. आता हर्षवर्धन जाधव पुन्हा एकदा आमदारकीला उभे आहेत. याकडे आता सगळ्यांचे लक्ष लागले आहे.

'चंपा'वर चंद्रकांत पाटलांची पहिली प्रतिक्रिया, राज ठाकरे यांना म्हणाले...

बातम्यांच्या अपडेटसाठी लाईक करा आमच्या फेसबुक पेजला आणि टि्वटरवर फाॅलो करा

First Published: Oct 18, 2019 03:15 PM IST

ताज्या बातम्या