महाराष्ट्र विधानसभा निवडणूक : छोट्या राजनच्या भावाला 'महायुती'चं तिकीट

अंडरवर्ल्ड डॉन छोटा राजनचे बंधू दीपक निकाळजे यांना रिपब्लिकन पार्टी ऑफ इंडियाकडून (आठवले गट) उमेदवारी देण्यात आली आहे. विशेष म्हणजे ते कमळाच्या चिन्हावर निवडणूक लढवणार आहेत.

News18 Lokmat | Updated On: Oct 2, 2019 06:16 PM IST

महाराष्ट्र विधानसभा निवडणूक : छोट्या राजनच्या भावाला 'महायुती'चं तिकीट

प्रफुल्ल साळुंखे

मुंबई, 2 ऑक्टोबर : अंडरवर्ल्ड डॉन छोटा राजनचे (Chota rajan) बंधू दीपक निकाळजे यांना रिपब्लिकन पार्टी ऑफ इंडियाकडून (आठवले गट) RPI उमेदवारी देण्यात आली आहे. ते फलटणहून निवडणूक लढवतील आणि विशेष म्हणजे ते कमळाच्या चिन्हावर निवडणूक लढवणार आहेत. महायुतीच्या जागावाटपाचा फॉर्म्युला आता हळूहळू उलगडतो आहे. मित्रपक्षासाठी भाजपने किती आणि कोणत्या जागा सोडल्या हे 'रिपाइं'ची यादी जाहीर झाल्यामुळे उघड झालं आहे. रिपाइंला मिळालेल्या 6 जागांपैकी दीपक निकाळजे (deepak nikalje) यांना फलटणची जागा देण्यात आली आहे. मुंबईतली एक जागा रिपाइंला मिळाली आहे. त्या जागी रिपाइंचे मुंबई अध्यक्ष गौतम सोनवणे यांना उमेदवारी देण्यात आली आहे.

दीपक निकाळजे लढणार कमळाच्या चिन्हावर

शिवसेना भाजप महायुतीचे उमेदवार म्हणून दीपक निकाळजे यांना उमेदवारी देण्यात आली आहे. रिपाइंचे सर्व उमेदवार कमळाच्या चिन्हावर निवडणूक लढवतील. दीपक निकाळजे यांना उमेदवारी जाहीर झाल्यानंतर विरोधकांनी भाजपवर टीका केली आहे.

हे वाचा - उमेदवारीवरून नवी मुंबईत नवा ट्विस्ट, वडिलांसाठी संदीप नाईकांनी घेतला मोठा निर्णय

Loading...

नवाब मलिक यांनी 'मोदींच्या टीम मध्ये दाऊदचा माणूस आहे', अशी टीका केली. 'गुजरातमध्ये जसं गुंडांना पोसलं जात तसं महाराष्ट्रमध्येही होत आहे', असंही ते म्हणाले.

मानखुर्दसह 6 जागा आठवलेंकडे

मुख्यमंत्री देवेंद्र फडणवीस आणि भाजप प्रदेश अध्यक्ष चंद्रकांत पाटील यांच्याशी मागील 3 दिवस झालेल्या सलग चर्चेत आज अंतिम निर्णय होऊन भाजप शिवसेना महायुतीचा घटक म्हणून रिपब्लिकन पक्षाला विधानसभेच्या ६ जागा अधिकृत सोडण्यात आल्या आहेत. त्यात सातारा जिल्ह्यातील फलटण ;सोलापुरातील माळशिरस ; विदर्भात भंडारा ; मराठवाड्यात नांदेड जिल्ह्यातील नायगाव; परभणी जिल्ह्यातील पाथरी तसेच मुंबईतील मानखुर्द शिवाजीनगर या ६ जागा रिपाइंला सोडण्यात आल्या असल्याची अधिकृत घोषणा आज रिपब्लिकन पक्षाचे राष्ट्रीय अध्यक्ष केंद्रीय सामाजिक न्याय राज्यमंत्री ना रामदास आठवले यांनी बांद्रा संविधान निवासस्थानी पत्रकार परिषदेत केली आहे.

हेही वाचा - आदित्य ठाकरेंचा 'केम छो'च्या डावावर विरोधकांचा 'मराठी' बाणा... असं रंगलं राजकारण

मानखुर्द शिवाजीनगर (मुंबई) - गौतम सोनावणे

फलटण (सातारा) : दीपक निकाळजे

पाथरी (परभणी) : मोहन फड

नायगाव (नांदेड): राजेश पवार

माळशिरस (सोलापूर)

भंडारा (विदर्भ)

दरम्यान, माळशिरसची जागा बदलून पुणे कॅन्टोन्मेंट ही जागा देण्यात यावी अशी सूचना रामदास आठवले यांनी मुख्यमंत्री देवेंद्र फडणवीस यांना केली आहे.

------------------------------------------------------------------

VIDEO : आदित्य यांच्या उमेदवारीवर पहिल्यांदाच उद्धव ठाकरे बोलले, म्हणाले...

बातम्यांच्या अपडेटसाठी लाईक करा आमच्या फेसबुक पेजला आणि टि्वटरवर फाॅलो करा

First Published: Oct 2, 2019 06:16 PM IST
Loading...

ताज्या बातम्या

Loading...