LIVE Updates : आमचं ठरलंय! महाविकासआघाडी कसबा, चिंचवड विधानसभा पोटनिवडणूक लढणार : पवार

निवडणूक बिनविरोध करण्यासाठी माझ्याशी संपर्क साधला. बावनकुळेही माझ्याशी संपर्क साधत होते. मात्र, महाविकास आघाडी कसबा आणि चिंचवड विधानसभा पोटनिवडणूक लढणार हे आमचं ठरलं आहे : अजित पवार

जोतिबा मंदिरात बैल घेऊन येणाऱ्या भाविकाला देवस्थान सुरक्षा कर्मचाऱ्याकडून मारहाण करण्यात आली. रविवार माघ पौर्णिमेला जोतिबा मंदिरात मोठी गर्दी झाली होती. याचा व्हिडिओ आता समोर आला आहे. दुपारी 1 वाजण्याच्या सुमारास काही बैल मंदिर प्रदक्षिणेसाठी घेऊन आले असता देवस्थानचे सुरक्षा रक्षक आणि त्यांच्यात बैल मंदिरात नेण्यावरुन वाद झाला. गर्दीच्या वेळी दुर्घटना होण्याच्या शक्यतेने देवस्थान समितीने बैलाला प्रवेश नाकारला त्यावरून शाब्दिक बाचाबाची होऊन भाविकाना सुरक्षा रक्षकांनी बेदम मारहाण केली. भाविकांना झालेल्या माराहाणीबद्दल पुजारी आणि भाविकांकातुन तीव्र संताप व्यक होत आहे.

सुनावणी होईपर्यंत मॉकड्रिल न करण्याचे हाय कोर्टचे अंतरिम आदेश. मॉकड्रिलमुळे मुस्लिम समाजाच्या भावना दुखावल्याची याचिका दाखल झाली आहे. मॉकड्रिलमध्ये डमी दहशतवादी मुस्लिम पेहरावात दाखवल्याची याचिका. नारे तकबीर अल्ला हो अकबरच्या घोषणा डमी दहशतवाद्यांनी दिल्याची घटना. पुढील सुनावणी लवकरच होणार.

नाशिक-पुणे महामार्गावरील सिन्नर जवळील शिंदे टोलनाक्याजवळ ट्रकच्या कॅबिनमध्ये स्वयंपाक करत असताना ट्रकने पेट घेतला. रस्त्याच्या कडेला उभ्या असलेल्या ट्रकच्या कॅबिनमध्ये ट्रकचालक स्वयंपाक करत असताना ही घटना घडली. जवळच असलेल्या पंपावरील कर्मचाऱ्यांनी आग विझवल्याने पुढील अनर्थ टळला.

अहमदनगरच्या देवळाली प्रवरा येथे भूमिगत गटारीचे काम सुरू असताना दहा फूट खोदकाम झालेल्या खड्यामध्ये 21 वर्षीय परप्रांतीय कामगाराच्या अंगावर मातीचा ढिगारा कोसळल्याने मृत्यू झाल्याची घटना रविवारी सायंकाळी घडली आहे. ठेकेदाराच्या हलगर्जीपणामुळे बळी गेला असल्याचा आरोप करत ठेकेदारावर सदोष मनुष्यवधाचा गुन्हा दाखल करण्याची मागणी नातेवाईकांनी केली आहे.

राज्याच्या राजकारणातली मोठी बातमी
'धनुष्यबाणा'वर आजच फैसला होणार? 
निवडणूक आयोग आजच निर्णय देणार?
कायदेतज्ज्ञांची टीम निवडणूक आयोगात
फैसल्यासाठी युद्धपातळीवर काम सुरू
धनुष्यबाण नेमका कुणाला मिळणार?
ऐतिहासिक निर्णयाची महाराष्ट्राला प्रतीक्षा 

अरबी समुद्रातील छत्रपती शिवाजी महाराजांचं स्मारक
'स्मारक समुद्रात न करता राजभवन परिसरात उभारावं'
शिवस्मारकाबाबत संभाजी ब्रिगेडची सरकारकडे मागणी
शिवस्मारकासाठी राजभवन परिसर योग्य - संभाजी ब्रिगेड
निर्णय पुढं रेटल्यास राज्यव्यापी आंदोलनाचा इशारा 

नाशिक - आदित्य ठाकरे इगतपुरीत दाखल
इगतपुरीतील मुंडेगावपासून दौऱ्याला सुरुवात
आदित्य ठाकरेंचं कार्यकर्त्यांकडून जोरदार स्वागत

अनिल देशमुखांना नागपूरला जाण्याची परवानगी
 मुंबई सत्र न्यायालयाचा देशमुखांना दिलासा
जामिनावेळी मुंबईबाहेर न जाण्याची घातली होती अट

भारतरत्न लता मंगेशकरांचा प्रथम स्मृतिदिन
'स्वरांचा कल्पवृक्ष' स्मारकाचं भूमिपूजन
उषाताई मंगेशकर यांच्या हस्ते भूमिपूजन
मंगलप्रभात लोढांच्या आमदार निधीतून स्मारक