सोलापुरात प्रकाश आंबेडकर-सुशीलकुमारांची भेट, राजकीय चर्चेला उधाण

लोकसभा निवडणुकीच्या मतदानाला काही दिवसच बाकी असताना झालेल्या या भेटीने राजकीय वर्तुळात चर्चेला उधाणा आलं आहे.

News18 Lokmat | Updated On: Apr 13, 2019 11:23 AM IST

सोलापुरात प्रकाश आंबेडकर-सुशीलकुमारांची भेट, राजकीय चर्चेला उधाण

सोलापूर, 13 एप्रिल : काँग्रेसचे ज्येष्ठ नेते आणि सोलापूर लोकसभा मतदारसंघाती उमेदवार सुशीलकुमार शिंदे यांनी आपले प्रतिस्पर्धी उमेदवार प्रकाश आंबेडकर यांची भेट घेतली आहे. लोकसभा निवडणुकीच्या मतदानाला काही दिवसच बाकी असताना झालेल्या या भेटीने राजकीय वर्तुळात चर्चेला उधाणा आलं आहे.

शिवराज पाटील चाकुरकर यांना भेटण्यासाठी गेल्यानंतर सुशीलकुमार शिंदे हे प्रकाश आंबेडकर यांना भेटले आहेत, असं स्पष्टीकरण काँग्रेसने दिलं आहे. दोन दिवसांपूर्वीच झालेल्या सभेत वंचित बहुजन आघाडीचे अध्यक्ष प्रकाश आंबेडकरांनी शिंदेंवर अनेक गंभीर आरोप केले होते. त्यानंतर झालेल्या या भेटीने शहरात राजकीय चर्चा रंगत आहेत.

सोलापुरात हाय-होल्टेज सामना

सोलापूर लोकसभा मतदारसंघ हा काँग्रेस नेते आणि माजी केंद्रीय गृहमंत्री सुशीलकुमार शिंदे यांचा बालेकिल्ला. पण मागील लोकसभा निवडणुकीत भाजपचे शरद बनसोडे हे जाएंट किलर ठरले. त्यांनी सुशीलकुमार शिंदे यांचा मोठ्या फरकाने पराभव केला.

सोलापुरातील यंदाची निवडणूक तिरंगी होणार आहे. कारण काँग्रेसकडून सुशीलकुमार शिंदे, वंचित आघाडीकडून प्रकाश आंबेडकर आणि भाजपकडून जयसिद्धेश्वर स्वामी मैदानात आहेत.

Loading...

कोणकोणत्या विधानसभा मतदारसंघांचा समावेश?

मोहोळ

सोलापूर शहर उत्तर

सोलापूर शहर मध्य

अक्कलकोट

सोलापूर दक्षिण

पंढरपूर

या लोकसभा मतदारसंघात येणाऱ्या विधानसभांवर काँग्रेस आणि राष्ट्रवादीचं वर्चस्व असल्याचं पाहायला मिळतं. पण मागील निवडणुकीत भाजपने चांगली कामगिरी करत सहापैकी दोन मतदारसंघात विजय मिळवला. लोकसभेत मिळालेल्या यशाच्या तुलनेत हे यश कमी असलं तरीही ते दुर्लक्षित करण्यासारखं नाही.


VIDEO: 'भाजपसोबत राहायचं असेल तर...' बीडच्या सभेत मुख्यमंत्री आक्रमक


बातम्यांच्या अपडेटसाठी लाईक करा आमच्या फेसबुक पेजला आणि टि्वटरवर फाॅलो करा

First Published: Apr 13, 2019 11:23 AM IST
Loading...

ताज्या बातम्या

Loading...