VIDEO : 'अल्लाह से पानी मांग रहा था...', 18 तास ढिगाऱ्याखाली अडकलेल्या मुलाने अनुभव सांगताच डॉक्टरही झाले अवाक्

VIDEO : 'अल्लाह से पानी मांग रहा था...', 18 तास ढिगाऱ्याखाली अडकलेल्या मुलाने अनुभव सांगताच डॉक्टरही झाले अवाक्

तब्बल 18 तास ढिगाऱ्याखाली अडकलेला 6 वर्षीय मोहम्मद बागी हा सुखरूप बाहेर पडला आणि काही वेळासाठी सर्वांच्याच चेहऱ्यावर हसू फुललं.

  • Share this:

महाड, 25 ऑगस्ट : रायगड जिल्ह्यातील महाडमध्ये 5 मजली इमारत कोसळल्याने भयंकर दुर्घटना घडली. अनेक कुटुंब ढिगाऱ्याखाली अडकली. तसंच काही जणांना यामध्ये आपला जीव गमावला. मात्र तब्बल 18 तास ढिगाऱ्याखाली अडकलेला 6 वर्षीय मोहम्मद बागी हा सुखरूप बाहेर पडला आणि काही वेळासाठी सर्वांच्याच चेहऱ्यावर हसू फुललं.

मृत्यूशी संघर्ष करून बाहेर पडलेल्या मोहम्मद बागी या चिमुकल्याला नंतर उपचारासाठी रुग्णालयात दाखल करण्यात आलं. यावेळी त्याने तिथं उपस्थित नातलग आणि डॉक्टरांना अंगावर काटा आणणारा अनुभव सांगितला. 'मैं अल्लाह से पानी मांग रहा था...', या एका वाक्यातच मोहम्मद बागी यानं त्याने 18 तास मृत्यूशी केलेल्या संघर्षाची माहिती दिली. त्याचा हा अनुभव ऐकताच तिथले डॉक्टरही क्षणभरासाठी अवाक् झाले.

देव तारी त्याला कोण मारी....

काळा आला होता पण वेळ आली नव्हती...या म्हणीचा प्रत्यय रायगड जिल्ह्यातील महाड इमारत दुर्घटनेनंतर आला आहे. कारण बचावकार्य सुरू असताना NDRF च्या जवानांना या ढिगाऱ्याखालून 18 तासांनंतर सहा वर्षाच्या मुलाला बाहेर काढण्यात यश आलं आहे. या चिमुकल्या मुलाला ढिगाऱ्याखालून सुरक्षितपणे बाहेर काढून नंतर उपचारासाठी रुग्णालयात दाखल करण्यात आलं.

महाड येथील तारिक गार्डन इमारत दुर्घटना

मृत व्यक्तींचा तपशील :-

1)सय्यद अमित समीर, वय 45 वर्ष.

2) नविद झमाने, वय 35 वर्ष

3) नौसिन नदीम बांगी, वय 30 वर्ष

4) आदी हाशिम शैकनग, वय 16 वर्ष

5) अनोळखी स्री चा मृतदेह

6) रोशनबी देशमुख, वय 56 वर्ष

7) ईस्मत हाशिम शैकनक, वय 42 वर्ष

8) फातिमा अन्सारी, वय 40 वर्ष

9) अल्लतिमस बल्लारी, वय 27 वर्ष

10) शौकत आदम अलसूलकर, वय 50 वर्ष

Published by: Akshay Shitole
First published: August 25, 2020, 7:03 PM IST

ताज्या बातम्या

corona virus btn
corona virus btn
Loading