किरीट सोमय्यांचा बजरंग खरमाटेंवर गंभीर आरोप, बंगल्याबाहेर घेतला Selfie

सांगली, 06 सप्टेंबर: शिवसेनेचे नेते (Shivsena Leader) आणि राज्याचे परिवहन मंत्री अनिल परब (Anil Parab) यांचे निकटवर्तीय मानले जाणारे बजरंग खरमाटे (Bajrang Kharmate) यांना ईडीनं (Enforcement Directorate) नोटीस बजावली आहे. अंमलबजावणी संचालनालयानं मनी लाँडरिंग प्रकरणी (Money Laundering Case) ही नोटीस बजावली आहे. यावरुन भाजप नेते किरीट सोमय्या (kirit somaiya )यांनी गंभीर आरोप केलेत. किरीट सोमय्यांनी थेट खरमाटे यांच्या बंगल्यासमोर जाऊन सेल्फी घेतला आहे. बजरंग खरमाटे यांच्या डोक्यावरील बेनामी संपत्ती ही अनिल परब यांचीच असल्याचा गंभीर आरोप किरीट सोमय्या यांनी केला आहे. तसंच आरटीओ अधिकारी असलेले बजरंग खरमाटे यांची एकूण संपत्ती 650 कोटींची असल्याची माहिती किरीट सोमय्या यांच्याकडून देण्यात आली आहे.

किरीट सोमय्यांचा खरमाटेंच्या आलिशान बंगल्यासमोर सेल्फी pic.twitter.com/leYaXeYeCy

— News18Lokmat (@News18lokmat) September 6, 2021

किरीट सोमय्यांनी ट्वीट केलं की, तासगाव सांगली, येथील बजरंग खरमाटे यांच्या फार्म हाऊसची पाहणी केली. खरमाटेचा आणखी 4 बेनामी मिळकत सांगली येथे आहे. अनिल परबचे सहाय्यक खरमाटे यांच्याकडे सांगली, पुणे, बारामती, मुंबई येथे 40 हून अधिक अधिकृत/बेनामी मिळकत (properties) आहेत.

तासगाव सांगली, येथील बजरंग खरमाटे यांच्या फार्म हाऊसची पाहणी केली. खरमाटे चा आणखी ४ बेनामी मिळकत सांगली येथे आहे. अनिल परबचे सहाय्यक खरमाटे यांच्याकडे सांगली, पुणे, बारामती, मुंबई येथे 40 हून अधिक अधिकृत/बेनामी मिळकत (properties) आहेत.@BJP4Maharashtra pic.twitter.com/5YM3XWgKyu

— Kirit Somaiya (@KiritSomaiya) September 6, 2021

खरमाटे यांना ईडीची नोटीस बजरंग खरमाटे हे अनिल परब यांचे विश्वासू मानले जातात. खरमाटे हे आरटीओ (प्रादेशिक परिवहन कार्यालय) अधिकारी आहे. त्यांना आज चौकशीसाठी कार्यालयात हजर राहण्याची नोटीस बजावली आहे. ईडीकडून खरमाटे यांना बजावलेलं हे पहिलं समन्स आहे. गेल्या आठवड्यात अनिल परब यांनाही चौकशीसाठी हजर राहण्याची नोटीस ईडीनं बजावली होती.

किरीट सोमय्यांचा खरमाटेंच्या आलिशान बंगल्यासमोर सेल्फी pic.twitter.com/uHjUZ0CBmn

— News18Lokmat (@News18lokmat) September 6, 2021

आता खरमाटे यांना आलेल्या नोटीशीमुळे परब यांच्या अडचणीत वाढ झाल्याचं चित्र आहे. मिळालेल्या माहितीनुसार, गेल्या महिन्यात 30 ऑगस्ट रोजी खरमाटे यांच्या नागपूर येथील घरावर ईडीनं छापेमारी केली. त्यांच्यावर भ्रष्टाचाराचा आरोप करण्यात आला आहे. या छापेमारी दरम्यान ईडीनं काही कागदपत्रंही ताब्यात घेतली आहे.