महाराष्ट्रातील 6 महिलांना 'नारी शक्ती पुरस्कार' जाहीर

महाराष्ट्रातील 6 महिलांना 'नारी शक्ती पुरस्कार' जाहीर

यावर्षी देशभरातील एकूण 44 महिलांना हा पुरस्कार प्रदान करण्यात येणार असून यामध्ये महाराष्ट्रातील 6 महिलांचा समावेश आहे.

  • Share this:

नवी दिल्ली, 7 मार्च : शुक्रवारी जागतिक महिला दिन आहे. याच दिवसाच्या मुहुर्तावर महिलांची मान उंचावेल अशी बातमी आहे. विविध क्षेत्रात उल्लेखनीय कामगिरी करणाऱ्या महाराष्ट्रातील 6 महिलांना 'नारी शक्ती पुरस्कार' जाहीर करण्यात आला आहे.

केंद्रीय महिला व बाल कल्याण मंत्रालयाच्यावतीने दरवर्षी जागतिक महिला दिनाचे औचित्य साधून विविध क्षेत्रात उल्लेखनिय कार्य करणा-या माहिलांना ‘नारी शक्ती’ या प्रतिष्ठित पुरस्काराने गौरवण्यात येतं. यावर्षी देशभरातील एकूण 44 महिलांना हा पुरस्कार प्रदान करण्यात येणार असून यामध्ये महाराष्ट्रातील 6 महिलांचा समावेश आहे.

हा पुरस्कार प्रदान सोहळा राष्ट्रपती भवन इथे होणार आहे. महाराष्ट्रातील महिलांमध्ये मुंबईतील सीमा राव, स्मृती मोरारका, कल्पना सरोज, सीमा मेहता, अहमदनगर जिल्ह्ययाच्या राहीबाई पोपरे, सातारा जिल्ह्याच्या चेतना गाला सिन्हा यांचा सन्मान होणार आहे.

महाराष्ट्रातील 6 दिग्गज महिला

मुंबईच्या सीमा राव या देशातील एकमेव महिला कमांडो प्रशिक्षक आहेत. त्यांनी आतापर्यंत 15000 पेक्षा अधिक सैनिक प्रशिक्षित केलं.  शिवाय त्यांनी  स्वत: शुटींगचं तंत्र विकसित केलं आहे. त्यांचं हे तंत्र भारतीय सेनेनंही स्वीकारलं आहे. त्यांच्या या कार्याची दखल घेत त्यांना `नारी शक्ती’ पुरस्काराने सन्मानित करण्यात येणार आहे.

मुंबईच्या सुप्रसिद्ध कथक नृत्यागंना सीमा मेहता  यांना कथक नृत्य क्षेत्रातील भरीव कामगिरीसाठी सन्मानित करण्यात येणार आहे. पद्मश्री पुरस्कार प्राप्त उद्योजिका कल्पना सरोज यांनी उद्योग क्षेत्रात स्वत:च्या कर्तृत्वाने ठसा उमटवला आहे. त्यांच्या या उत्कृष्ट कामगिरीसाठी त्यांना गौरविण्यात येणार आहे.

मुंबईच्या स्मृती मोरारका यांनी ‘तंतुवी’ या संस्थेच्या माध्यमातून  पारंपरिक हातमाग क्षेत्रातील कारागिरांना रोजगार उपलब्ध करून देण्यासाठी हातमाग समुह सुरू केला. त्यांच्या या कार्याची दखल घेत त्यांना `नारी शक्ती’ पुरस्काराने गौरवण्यात येणार आहे.

अहमदनगर जिल्ह्यातील राहीबाई पोपरे यांना, त्यांच्या कृषी क्षेत्रात वैविध्यपूर्ण प्रयोगासाठी `नारी शक्ती’ पुरस्काराने सन्मानित करण्यात येणार आहे.

सातारा जिल्यातील माणदेशी महिला सहकारी  बँकेच्या संस्थापिका चेतना गाला सिन्हा यांना ग्रामीण क्षेत्रातील महिलांना आर्थिकरित्या सक्षम करण्यासाठीच्या योगदानाबद्दल `नारी शक्ती’ पुरस्काराने सन्मानित करण्यात येणार आहे.

VIDEO : शहीद मेजर राणेंच्या पत्नीची खंत, तुम्हालाही विचार करायला भाग पाडेल!

First published: March 8, 2019, 6:20 AM IST

ताज्या बातम्या

corona virus btn
corona virus btn
Loading