गोव्यात भाजपला बसणार हादरा, शरद पवारांची लवकरच मोठी खेळी?

गोव्यात भाजपला बसणार हादरा, शरद पवारांची लवकरच मोठी खेळी?

शरद पवार हे महाराष्ट्राच्या धर्तीवर गोव्यातही भाजप विरोधातील मोठ बांधू शकतात, असं बोलले जात आहे.

  • Share this:

अनिल पाटील, प्रतिनिधी

गोवा, 03 नोव्हेंबर : महाराष्ट्रात शिवसेना (Shivsena), काँग्रेस (Congress) आणि राष्ट्रवादीने (NCP) एकत्र येत महाविकास आघाडी सरकार स्थापन केले आहे. आता याच धर्तीवर गोव्यातही (goa political crisis) राष्ट्रवादी काँग्रेस, भाजप (BJP) विरोधी मोट बांधण्यासाठी राष्ट्रवादीचे अध्यक्ष शरद पवार (Sharad Pawar) यांच्या हालचाली सुरू असल्याची चर्चा गोव्यातल्या राजकीय वर्तुळात सुरू झाली आहे.

राष्ट्रवादी काँग्रेसचे अध्यक्ष शरद पवार कुटुंबासह खाजगी दौऱ्यावर गोव्यात आहेत. त्यांच्या सोबत खासदार सुप्रिया सुळे आहेत. यादरम्यान, त्यांनी काँग्रेसचे प्रदेशाध्यक्ष गिरीश चोडणकर विरोधी पक्ष नेते आणि माजी मुख्यमंत्री दिगंबर कामत काँग्रेसचे नेते अश्विन खलप यांच्या भेटी घेऊन रात्री उशीरा दीर्घ चर्चा केली.

कट्टर शिवसेना नेत्याची गळफास घेऊन आत्महत्या, इगतपुरीत खळबळ

या भेटीचे फोटो खासदार सुळे यांनी आपल्या ट्वीटर अकाऊंटवर शेअर केले आहेत. या चर्चेचा कोणता तपशील बाहेर आला नसला तरी शरद पवार हे महाराष्ट्राच्या धर्तीवर गोव्यातही भाजप विरोधातील मोठ बांधू शकतात, असं बोलले जात आहे.

सध्या गोवा विधानसभेत भाजपची सत्ता असून एका अपक्षाचा पाठिंबा आहे. 2017 च्या विधानसभा निवडणुकीमध्ये 13 जागा  जिंकून सुद्धा भाजपनं गोवा फॉरवर्ड पक्ष 3, महाराष्ट्रवादी गोमंतक पक्ष 3, आणि 3 अपक्षांच्या सहाय्याने सरकार बनवलं होतं.

पुढे भाजपने महाराष्ट्रवादी गोमंतक पक्षाच्या दोन आमदारांना भाजपात प्रवेश केला तर 17 जागा निवडून आलेल्या काँग्रेसमधील 14 आमदार भाजपमध्ये गेले. त्याचवेळी भाजपनं महाराष्ट्रवादी गोमंतक पक्ष आणि गोवा फॉरवर्ड पक्ष आणि दोघा अपक्षांना सत्तेच्या बाहेर काढले.

धावत्या कारमध्ये तरुणाने कापून घेतली हाताची नस, खेडमधील थरारक घटना

सध्या भाजपच्या स्वतःच्या आमदारपेक्षा बाहेरून आलेल्या आमदारांची संख्या भाजपमध्ये जास्त असून या सर्वांची गोळाबेरीज 27 होते. यापैकी काँग्रेसमध्ये भाजपमध्ये गेलेला मोठा ग्रुप फोडण्यात विरोधी दलाला यश आल्यास गोव्यातल्या राजकारणामध्ये सत्तांतर होऊ शकतो.

विधानसभेतील सध्याचे बलाबल

सत्ताधारी-

भाजप - 27

अपक्ष 1 = 28

यामध्ये 28 पैकी काँग्रेसचे 13 आणि 2 महाराष्ट्रवादी गोमंतक पक्षाच्या आमदारांनी भाजपला जवळ केले आहे. त्यामुळे सध्या भाजपमध्ये सामील झालेल्या आमदारांची संख्या पंधरा आहे.

विरोधी पक्ष - 12

काँग्रेस - 5

मगो पक्ष - 1

गोवा फॉरवर्ड पक्ष - 3

राष्ट्रवादी -1

अपक्ष 2 = 12

Published by: sachin Salve
First published: November 3, 2020, 11:57 AM IST

ताज्या बातम्या