मंत्रालयात चौथ्या मजल्यावर लागलेली आग आटोक्यात fire on the 4rth floore of mantralaya building mhsy

मंत्रालयात चौथ्या मजल्यावर लागलेली आग आटोक्यात

मुंबईत मंत्रालयात आग लागल्याची घटना घडली आहे. सात मजली असलेल्या या इमारतीच्या चौथ्या मजल्यावर ही आग लागली आहे.

News18 Lokmat
Last Updated : March 30, 2020, 22:16 IST

मुंबई, 30 मार्च : मुंबईत मंत्रालयात लागलेली आग आटोक्यात आली आहे. सात मजली असलेल्या या इमारतीच्या चौथ्या मजल्यावर ही आग लागली होती. आगीच्या घटनेची माहिती मिळताच घटनास्थळावर अग्निशामक दलाच्या पाच गाड्या दाखल झाल्या. रात्री 8.45 च्या सुमारास ही आग लागली होती. त्यानंतर अग्निशामक दलाच्या कर्मचाऱ्यांनी ही आग आटोक्यात आणली. आगीचे कारण अद्याप अस्पष्ट आहे.

Maharashtra: Fire breaks out on the 4th floor of Mantralaya Building in Mumbai. Fire tenders have been rushed to the spot. More details awaited.
— ANI (@ANI) March 30, 2020

मंत्रालयातील आग आटोक्यात आल्याची माहिती मिळाली आहे. चौथ्या मजल्यावरील आरोग्य मंत्री राजेश टोपे यांच्या कार्यालयाशेजारी असेलेल्या कार्यालयाला आग लागली होती. याची माहिती मुंबई अग्निशमन दलाचे प्रमुख प्रभात रहांगदळे यांनी दिली. याआधीही मंत्रालयाला आग लागली होती. 2012 च्या जून महिन्यात मंत्रालयाला भीषण आग लागली होती. आतापर्यंत मंत्रालयात लागलेली ही सर्वात मोठी आग होती. दरम्यान, गेल्या महिन्यात मुंबईतील माझगाव येथे असलेल्या जीएसटी भवनाला भीषण आग लागली होती. इमारतीच्या आठव्या मजल्यावर लागलेल्या आगीनंतर आठवडाभर जीएसटी भवन बंद होते. हे वाचा : मोठी बातमी! राज्यात 14 एप्रिलपर्यंत मद्य विक्रीस बंदी

तुमच्या शहरातून (महाराष्ट्र)

महाराष्ट्र

Published by:Suraj Yadav

First published: March 30, 2020, 21:34 IST

मराठी बातम्या, ब्रेकिंग न्यूज मराठीत सर्वात आधी News18 लोकमतवर. आजच्या ताज्या बातम्या, लाइव्ह न्यूज अपडेट, सर्वात आधी वाचा विश्वासार्ह मराठी न्यूज वेबसाइट News18 लोकमतवर.

Tags: Maharashtra

महाराष्ट्र

आपला जिल्हा निवडा