शेतकरी संघटनेचा सरकारला अल्टीमेटम, नाहीतर शहराचा पुरवठा बंद करू !

शेतकरी संघटनेचा सरकारला अल्टीमेटम, नाहीतर शहराचा पुरवठा बंद करू !

  • Share this:

मुंबई, 02 जून : 7 जूनपर्यंत आम्ही वाट पाहणार आणि सगळ्या मागण्या मान्य झाल्या नाहीत तर राज्यातील शेतकऱ्यांना सांगून शहरात दूध आणि भाजीपाला येऊ देणार नसल्याचा इशारा शेतकरी नेते अजित नवले यांनी दिलाय.

शेतकऱ्यांच्या संपाचा आज दुसरा दिवस आहे. मात्र, सरकार दरबारी अजूनही शेतकऱ्यांच्या संपाची दखल घेण्यात आली नाही. मागे लाँगमार्चच्या वेळी सरकारने शेतकऱ्यांना अनेक आश्वासनं दिली होती. मात्र त्यांची कोणतीही आश्वासनाची पूर्तता सरकारनं केली नाही. दूधाच्या संदर्भात देखील काहीही तोडगा काढलेला नाही. त्यामुळे पाच जूनला पुन्हा एकदा शेतकऱी रस्त्यावर उतरणार असल्याचा इशारा  अजित नवलेंनी दिलाय.

तसंच अतिरिक्त साखर असताना पाकिस्तानातून साखर आणली जातेय. मोझांबिकमधून तूर आणली जातीये तर गुजरात, कर्नाटकातून दूध आणलं जातंय. पण आम्हाला न्याय दिला जात नाही.  या तिन्ही गोष्टी राज्यभरातल्या तहसील कार्यालयातून देवेंद्र फडणवीस यांना पाठवले जाईल असंही नवलेंनी सांगितलं.

First published: June 2, 2018, 6:44 PM IST

ताज्या बातम्या

corona virus btn
corona virus btn
Loading