• Home
  • »
  • News
  • »
  • maharashtra
  • »
  • ED ची मोठी कारवाई; शिवसेना खासदार भावना गवळींच्या अडचणीत वाढ, निकटवर्तीयाला अटक

ED ची मोठी कारवाई; शिवसेना खासदार भावना गवळींच्या अडचणीत वाढ, निकटवर्तीयाला अटक

शिवसेना खासदार भावना गवळी (Shivsena MP Bhawana Gawali) यांच्या संबंधित असणाऱ्या 9 ठिकाणांवर ED ने छापेमारी केल्यानंतर, आता परभणी येथील पाथरी याठिकाणी ED ने मोठी कारवाई केली आहे.

  • Share this:
परभणी, 28 सप्टेंबर: शिवसेना खासदार भावना गवळी (Shivsena MP Bhawana Gawali) यांच्या संबंधित असणाऱ्या 9 ठिकाणांवर ED ने छापेमारी केल्यानंतर, आता परभणी येथील पाथरी याठिकाणी ED ने मोठी कारवाई केली आहे. याप्रकरणी EDच्या अधिकाऱ्यांनी भावना गवळी यांचे निकटवर्तीय असणाऱ्या सईद खान यांना अटक (Saeed Khan Arrested) केली आहे. महिला प्रतिष्ठान या ट्रस्टचं कंपनीमध्ये रुपांतर केल्याप्रकरणी सईद खान यांना अटक करण्यात आली आहे. सईद खान हे संबंधित कंपनीचे संचालक आहेत. त्यामुळे आता भावना गवळींच्या अडचणींत वाढ होण्याची शक्यता आहे. ईडीने परभणी जिल्ह्यातील पाथरी याठिकाणी छापेमारी केली आहे. याप्रकरणी अधिकाऱ्यांनी सईद खान यांना अटक केली असून ते भावना गवळी यांच्या विविध ट्रस्ट आणि कंपन्यांचा कारभार पाहात होते. हरीश सारडा यांनी तक्रार केल्यानंतर ईडीने ही मोठी कारवाई केली आहे. नेमकं प्रकरण काय आहे? 1992 मध्ये भावना गवळी यांचे वडील पुंडलीकराव गवळी यांनी बालाजी पार्टीकल बोर्डाची पणन संचालकाकडे नोंद करून कारखान्याची स्थापना केली होती. त्यामुळे राज्य शासनाच्या हमीपत्रावर राष्ट्रीय सहकार निगमने बालाजी पार्टीकल बोर्डला 43 कोटी रुपयांचं कर्ज दिलं होतं. 2000 सालापर्यंत हा कारखाना फक्त नावाला उभा होता. सुरू मात्र झाला नव्हता. त्यानंतर 2001 मध्ये भावना गवळी या कारखान्याच्या अध्यक्षा झाल्या. हेही वाचा-ED च्या जाळ्यातून तुर्तास वाचले अडसूळ, तब्बल 14 तास होते अधिकारी हॉस्पिटलमध्ये त्यानंतर 2002 मध्ये भावना गवळी यांनी बालाजी पार्टीकल बोर्ड कारखान्याची 14 हेक्टर जमीन बेकायदा पद्धतीने आपलीच दुसरी संस्था महिला उत्कर्ष प्रतिष्ठानला विकली. विशेष म्हणजे हा व्यवहार करण्यासाठी गवळी यांनी शासनाची परवानगी घेतली नव्हती. त्यानंतर 2007 मध्ये राज्य शासनाने बालाजी पार्टीकल बोर्डला विकण्याची परवानगी दिली. तसेच भावना गवळी यांची लिक्विडेटर म्हणून नेमणूक करण्यात आली. हा कारखाना विकण्यासाठी जिल्हा उप निबंधकांने काही अटी शर्ती लावल्या होत्या. हेही वाचा-LIVE Updates: मला ईडीचं समन्स मिळालं, मी चौकशीला सामोरं जातोय - अनिल परब यानंतर 2010 मध्ये बालाजी पार्टीकल बोर्ड हा कारखाना भावना गवळी यांचे पीए अशोक गांडोळी यांचे 90 टक्के शेअर असलेल्या भावना ऍग्रो प्रायव्हेट लिमीटेडला विकण्यात आला. यासाठी रिसोड अर्बन क्रेडिट कॉ. बँकची 10 कोटीची बँक गॅरंटी घेत शासनाची परवानगी न घेता विक्रीची प्रक्रिया पूर्ण करण्यात आली. याच व्यवहारात मोठा भष्ट्राचार झाल्याचा आरोप हरीश सारडा यांनी ईडीकडे केला आहे. त्यानंतर ईडीने आज ही कारवाई करत भावना गवळी यांच्या विविध ट्रस्ट आणि कंपन्यांचे व्यवहार सांभाळणाऱ्या सईद खान यांना अटक केली आहे.
Published by:News18 Desk
First published: