कोरोनाशी सामना करणाऱ्या महाराष्ट्राचा 'हा' जिल्हा भूकंपाने हादरला

कोरोनाशी सामना करणाऱ्या महाराष्ट्राचा 'हा' जिल्हा भूकंपाने हादरला

. मागील महिन्यात 24 जून रोजी वारणा खोऱ्यात भूकंपाचे सौम्य धक्के जाणवले होते.

  • Share this:

सातारा, 05 जुलै : साताऱ्यातील कोयना परिसर भूकंपाच्या धक्याने हादरला आहे. या भूकंपाची तीव्रता 2.6 रिश्टर स्केल इतकी होती.

रात्री दीड वाजेच्या सुमारास कोयना परिसरातील पाटण, कोकण किनारपट्टीचा परिसरात भुकंपाचे धक्के जाणवले.

भूकंपाचा केंद्र बिंदू वारना खोऱ्यातील चांदोली गावच्या पश्चिमेला 6 किमी अंतरावर असल्याचं सांगितलं जात आहे.  या भूकंपामुळे परिसरात भीतीचे वातावरण पसरले आहे.

सोयाबीन न उगवल्यामुळे तरुण शेतकऱ्याची आत्महत्या

कोयना धरणाच्या परिसरात नेहमी भूकंपाचे धक्के जाणवत असता. मागील महिन्यात 24 जून रोजी वारणा खोऱ्यात  भूकंपाचे सौम्य धक्के जाणवले होते. भूकंपाचे 2.3 रिश्‍टर स्केलचे धक्के जाणवल्याची नोंद झाली.

दरम्यान, वारणा खोऱ्यात जाणवलेल्या भूकंपाच्या धक्क्यामुळे कोयना धरणाला यापासून कोणताही धक्का नसल्याचंही सांगण्यात आले आहे.  नागरिकांनी घाबरू नये, असंही आवाहन प्रशासनाकडून करण्यात आले आहे.

दोन दिवसांपूर्वी दिल्ली हादरली

दरम्यान, दोन दिवसांपूर्वीत दिल्ली आणि परिसरात भूकंपाचा सौम्य धक्का जाणवला होता. काही सेकंद धक्के जाणवत होते.  गेल्या काही दिवसांपासून सातत्याने उत्तर भारताला भूकंपाचे सौम्य धक्के बसत आहेत.

अंध व्यक्तीसाठी महिलेनं जे केलं नाही ते कुत्र्याने केलं, VIDEO व्हायरल

दिल्लीत 3 जुलै रोजी संध्याकाळी  7 च्या सुमारास भूकंपाचा धक्का जाणवला.  त्यामुळे इमारती हादरल्या. काही सेकंद धक्के जाणवत राहिल्याने लोकांनी इमारतीबाहेर धाव घेतली.

National Centre for Seismology ने दिलेल्या माहितीनुसार, गुरगावपासून नैर्ऋत्येला 63 किलोमीटरवर या भूकंपाचा केंद्रबिंदू होता. रिश्टर स्केलवर भूकंपाची तीव्रता 4.5 एवढी नोंदली गेली.

संपादन - सचिन साळवे

First published: July 5, 2020, 10:58 AM IST
Tags:

ताज्या बातम्या

corona virus btn
corona virus btn
Loading