जळगावात भाजपला मेगागळती, अखेर फडणवीस पोहोचले खडसेंच्या मुक्ताईनगरमध्ये!

जळगाव, 01 जून : माजी मंत्री एकनाथ खडसे (Eknath Khadse) यांनी राष्ट्रवादीत (NCP) प्रवेश केल्यामुळे जळगावात भाजपला मोठे भगदाड पडले आहे. भाजपचे (BJP) अनेक पदाधिकारी आणि कार्यकर्ते राष्ट्रवादीत दाखल झाले आहे. अखेर भाजपचे विरोधी पक्षनेते देवेंद्र फडणवीस (Devendra Fadanvis) ड्रॅमेज कंट्रोल करण्यासाठी जळगावात दाखल झाले आहे.

विरोधी पक्षनेते देवेंद्र फडणवीस जळगाव दौऱ्यावर पोहोचले आहे. फडणवीस हे जामनेर येथून निघाले असून एकनाथराव खडसे यांच्या राष्ट्रवादी प्रवेशानंतर प्रथमच मुक्ताईनगर दाखल झाले आहे.

सोन्याचांदीच्या दरात मोठी उसळी, सोनं 50 हजारांच्या जवळपास तर चांदी 72 हजारांवर

मुक्ताईनगरमध्ये त्यांनी भाजपच्या खासदार रक्षा खडसे यांच्या घरी जाऊन भेट घेतली.  त्यानंतर मुक्ताईनगर व रावेर तालुक्यातील नुकसानग्रस्त भागाची पाहणी करणार आहे.

विशेष म्हणजे, मुक्ताईनगरमध्ये भाजपला मेगा गळती लागली आहे. दोनच दिवसांपूर्वी भाजपच्या 10 कार्यकर्तांनी राष्ट्रवादीत प्रवेश केला आहे. याआधीही अनेक कार्यकर्ते हे राष्ट्रवादीत दाखल झाले आहे. त्यामुळे भाजपच्या गोटात चिंतेतं वातावरण आहे. देवेंद्र फडणवीस यांच्या दौऱ्यामुळे एका प्रकारे डॅमेज कंट्रोल केले जाणार अशी चर्चा रंगली आहे.

तब्बल 20 वर्षांनी गोविंदा आणि नीलम आले एकत्र, जबरदस्त डान्स VIDEO होतोय VIRAL

दरम्यान, सोमवारीच देवेंद्र फडणवीस यांनी राष्ट्रवादीचे अध्यक्ष शरद पवार यांची मुंबईतील निवास्थानी जाऊन भेट घेतली होती. शरद पवार यांना काही दिवसांपूर्वी पित्ताशयाचा त्रास झाला होता. त्यामुळे त्यांच्यावर ब्रीच कँडी हॉस्पिटलमध्ये दाखल करण्यात आले होते. त्यांच्यावर शस्त्रक्रिया सुद्धा करण्यात आली होती. देवेंद्र फडणवीस यांनी शरद पवार यांच्या तब्येतीची विचारपुस करण्यासाठी जाणार असल्याचे सांगितले होते. अखेर ही सदिच्छा भेट झाली असल्याचे सांगण्यात आले.