PMC बँकेच्या खातेदारांचा अर्थमंत्री निर्मला सीतारमण यांना दणका

PMC बँकेच्या खातेदारांचा अर्थमंत्री निर्मला सीतारमण यांना दणका

मुंबईत केंद्रीय अर्थमंत्री निर्मला सीतारमन यांना पंजाब आणि महाराष्ट्र सहकारी बँकेच्या खातेदारांच्या संतापाला सामोरं जावं लागलं.

  • Share this:

विवेक कुलकर्णी (प्रतिनिधी) मुंबई, 11 ऑक्टोबर: मुंबईत केंद्रीय अर्थमंत्री निर्मला सीतारमन यांना पंजाब आणि महाराष्ट्र सहकारी बँकेच्या खातेदारांच्या संतापाला सामोरं जावं लागलं.सप्टेंबर महिन्यात या बँकेवर रिझर्व्ह बँकेनं निर्बंध लादले. त्यामुळं खातेदारांमध्ये प्रचंड असंतोष आहे. मुंबईतील पीएमसी अर्थात पंजाब आणि महाराष्ट्र सहकारी बँकेच्या खातेदारांचा.

केंद्रीय अर्थमंत्री निर्मला सीतारमन भाजप कार्यालयात दाखल होताचं पीएमसीच्या संतप्त खातेदारांनी एकचं गोंधळ घातला. तिथे असलेल्या भाजप कार्यकर्त्यांनी त्यांना रोखण्याचा प्रयत्न केला. मात्र खातेदारांनी त्यांना न जुमानता जोरदार घोषणाबजी केली. तसेच आपल्या खात्यातील पैस परत करण्याची मागणी अर्थमंत्र्यांकडं केली. बँक खातेदारांच्या या गनिमीकाव्यामुळे भाजप कार्यालयात काही वेळ गोंधळाची परिस्थिती निर्माण झाली होती.

या गोंधळानंतर अर्थमंत्री सीतारमन यांनी पीएमसीच्या खातदारांशी या विषयी चर्चा केली. तसेच या प्रकरणात लक्ष घालणार असल्याचं सांगीतलं. वेळप्रसंगी हिवाळी अधिवेशनात यासाठी विधेयक आणण्याचं आश्वासन अर्थमंत्र्यांनी दिलं.

सप्टेंबर महिन्यात रिझर्व्ह बँक ऑफ इंडियाने मुंबईतील पंजाब आणि महाराष्ट्र सहकारी बँकेवर सहा महिन्यांसाठी आर्थिक निर्बंध लादले.त्यामुळं बँकेला नवी कर्ज देण्यावर मर्यादा आल्या. तसेच ठेवी स्वीकारण्यासह अनेक गोष्टींवर निर्बंध आले.बँक खात्यातून पैसे काढण्यावरही बंधनं आले. त्यामुळं खातेदारांमध्ये प्रचंड असंतोष पसरला आहे. आपल्या कष्टाची रक्कम बुडणार तर नाही ना? अशी शंका खातेदारांच्या मनात घर करुन आहे.आता अर्थमंत्र्यांनी या प्रकरणात लक्ष घालण्याचं आश्वासन दिलं असलं तरी प्रत्यक्षात खातेदरांना कधी दिलासा मिळणार हाच खरा प्रश्न आहे.

First published: October 11, 2019, 11:52 AM IST

ताज्या बातम्या

corona virus btn
corona virus btn
Loading